ସନ୍ତାନ ପ୍ରାପ୍ତି ପାଇଁ ୭ବର୍ଷର ଝିଅକୁ ଦୁଷ୍କର୍ମ କରି ହତ୍ୟା କଲେ, ଛାତିରୁ କଲିଜା କାଢ଼ି ସ୍ୱାମୀ ସ୍ତ୍ରୀ ଖାଇଲେ

କାନପୁର: ଯେତେବେଳେ ଦୀପାବଳିରେ ଘରେ ଘରେ ଦୀପ ଜଳୁଥିଲା ସେତେବେଳେ ଦୁର୍ବୃତ୍ତଙ୍କ ହାତରେ ଳିଭିସାରିଥିଲା କୁନି ଆଲୋକ । ନର ରାକ୍ଷସଙ୍କ କବଳରେ ଛଟପଟ ହେଉଥିଲା କୋମଳ ଜୀବନ । ପ୍ରଥମେ ଦୁଷ୍କର୍ମ କଲେ ଏବଂ ତା ପରେ ଗଳା ଚିପି ମାରିଦେଲେ । ଆଉ ତାପରେ ଯାହା ହେଲା ଆପଣ ଯଦି ଶୁଣନ୍ତି ତେବେ ଆପଣଙ୍କର ଲୋକ ଟାଙ୍କୁରି ଉଠିବ । ଉତ୍ତରପ୍ରଦେଶର କାନପୁରରେ ଦୀପାବଳି ରାତିରେ ଜଣେ ୭ବର୍ଷର ନାବାଳିକାକୁ ହତ୍ୟା ଘଟଣାରେ ପୋଲିସ ଏକ ଚକିତ କଲାଭଳି ତଥ୍ୟ ପ୍ରକାଶ କରିଛି । ତେବେ ଏହି ମାମଲାରେ ୪ ଜଣଙ୍କୁ ଗିରଫ କରିଛି ପୋଲିସ । ତନ୍ତ୍ର-ମନ୍ତ୍ରରେ ସଫଳ ଏବଂ ସନ୍ତାନ ପ୍ରାପ୍ତି ପାଇଁ ଏହି ହତ୍ୟା କରାଯାଇଥିଲା ବୋଲି ପୋଲିସ ସୂଚନା ଦେଇଛି । ଅଭିଯୁକ୍ତମାନେ ହେଉଛନ୍ତି  ମାମୁ ପର୍ଶୁରାମ, ମାଇଁ ସୁନେନା, ଭଣଜା ଅଙ୍କୁଲ ଏବଂ ଭଣଜାର ସାଙ୍ଗ ବିରେନ ।

ବାହାଘର ପରେ ଛୁଆ ହେଲାନାହିଁ ବୋଲି ନିରିହ ଶିଶୁକୁ ମାରିଦେଲେ । ଖାଲି ମାରିଲେ ନାହିଁ, ମାରି ସାରିଲା ପରେ ମୃତ ଝିଅର କଲିଜା ବାହାର କରି ଖାଇଲେ ସ୍ୱାମୀ ଏବଂ ସ୍ତ୍ରୀ । ଏମିତି ଏକ ଘଟଣା ଯାହା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି । ଆଜି ବିଜ୍ଞାନର ଦୁନିଆରେ ଏବେବି ମଣିଷ କଳା ଯାଦୁ ବା ଅନ୍ଧ ବିଶ୍ୱାଶ ଘେରରେ ରହିଛି । ବିଜ୍ଞାନ ଉପରୁ ଭରସାକୁ ଏଡ଼ାଇ କଳା ଯାଦୁ ଉପରେ ଲଦିବାରେ ଲାଗିଛନ୍ତି ବିଶ୍ୱାସ । ଯେଉଁଥିପାଇଁ ପ୍ରତି ଘଣ୍ଟାରେ ଏହିଭଳି ନିରିହ ଜୀବନ ଚାଲିଯାଉଛି ।

ସୂଚନା ଅନୁଯାୟୀ, ବାହାଘର ପରେ କାନପୁରର ଜଣେ ଦମ୍ପତିଙ୍କର ପର୍ଶୁରାମ ଏବଂ ସୁନୈନାଙ୍କର କୌଣସି ସନ୍ତାନ ହେଉନଥିଲା । ସେଥିପାଇଁ ଘଟାଇଲେ ଆଶ୍ଚର୍ଯ୍ୟ କଲାଭଳି ଘଟଣା । ସନ୍ତାନ ହେଉନଥିବାରୁ ସନ୍ତାନ ପ୍ରାପ୍ତି ପାଇଁ ରଚିଥିଲେ ତନ୍ତ୍ର ମନ୍ତ୍ରର ଷଡ଼ଯନ୍ତ୍ର । ଏହି ଷଡ଼ଯନ୍ତ୍ରକୁ ସଫଳ କରିବା ପାଇଁ ମାମୁ ପର୍ଶୁରାମ ତାଙ୍କର ଭଣଜାଙ୍କୁ ଘରକୁ ଡ଼ାକିଥିଲେ । ସେମାନଙ୍କୁ ସନ୍ତାନ ପାଇଁ ଏକ ଝିଅର କଲିଜା ଖାଇବାକୁ ପଡ଼ିବ ବୋଲି କହିଥିଲେ । ଏଥିପାଇଁ ପର୍ଶୁରାମ ଅଙ୍କୁଲଙ୍କୁ କିଛି ଟଙ୍କା ଦେଇଥିଲେ ଗୋଟେ ଝିଅର କଲିଜା ଆଣିବା ପାଇଁ ।

ଅଭିଯୁକ୍ତ ଭଣଜା ଅଙ୍କୁଲ ଏବଂ ତାର ଜଣେ ସାଙ୍ଗକୁ ପର୍ଶୁରାମ ଦେଇଥିଲେ ୧୫୦୦ ଟଙ୍କା । ଟଙ୍କା ପାଇବା ପରେ ଦୁଇ ଜଣ ମଦ ପିଇ ପାଖ ଏକ ଅଞ୍ଚଳରୁ ଜଣେ ୬ ବର୍ଷର ଝିଅକୁ ବାଣ କିଣାଇଦେବେ କହି ପାଖ ଏକ ଜଙ୍ଗଲକୁ ନେଇଯାଇଥିଲେ । ଯେଉଁଠାରେ କୁନି ଝିଅ ସହ ଦୁଷ୍କର୍ମ କରିବା ପରେ ତାର ବେକ ଚିପି ତାକୁ ହତ୍ୟା କରିଥିଲେ । ହତ୍ୟା ପରେ ପେଟ ଚିରିଦେବା ପରେ ଭିତରୁ ସମସ୍ତ ଅଙ୍ଗ ବାହାର କରି ମାମୁଁ ପର୍ଶୁରାମକୁ ଦେଇଥିଲେ ।

ଅଙ୍କୁଲଙ୍କ ଅନୁଯାୟୀ ମାମୁଁ ପର୍ଶୁରାମ ତାଙ୍କ ମାଇଁଙ୍କ ସହିତ ଝିଅର କଲିଜାକୁ ଖାଇ ବାକି ଅଂଶକୁ କୁକୁରକୁ ଖାଇବାକୁ ଦେଇଥିଲେ ।  ତା’ପରେ ବଳକୁ ଅଂଶକୁ ପଲିଥିନରେ ବାନ୍ଧି ଫିଙ୍ଗି ଦେଇଥିଲେ । ତେବେ ସକାଳେ କାଳୀ ମନ୍ଦିର ନିକଟରେ ଝିଅଟିର ବିକଳାଙ୍ଗ ମୃତଦେହ ପାଇଥିଲେ ଗାଁ ଲୋକେ । ପୋଲିସ ଏବେ ୪ ଜଣଙ୍କୁ ଗିରଫ କରି ପଚରାଉଚରା ଚଲାଇଛନ୍ତି ।