ଶିଶୁ ଚୋରି ଅଭିଯୋଗରେ ବନ୍ଧା ହେଲେ ଦୁଇ ମହିଳା

ବାରିପଦା: ଶିଶୁ ଚୋରି ଅଭିଯୋଗରେ ବନ୍ଧା ହେଲେ ଦୁଇ ମହିଳା । ବାରିପଦା ପିଆରଏମ୍ ହସ୍ପିଟାଲରୁ ଶିଶୁ ଚୋରି ହୋଇଥିବା ନେଇ ବାରିପଦା ଟାଉନ୍ ଥାନାରେ ଅଭିଯୋଗ ହୋଇଥିଲା । ଘଟଣାରେ ଦୁଇଜଣ ମହିଳାଙ୍କୁ ବାଗଡ଼ିହା ଅଞ୍ଚଳରୁ ଗିରଫ କରି ଶିଶୁଟିକୁ ଉଦ୍ଧାର କରାଯାଇଛି । ଗିରଫ ଦୁଇ ଅଭିଯୁକ୍ତ ହେଲେ ବାଲେଶ୍ୱର ସହଦେବ ଖୁଣ୍ଟା ଥାନା ସହରଙ୍ଗପୁରର ସୀମା ସିଂ ଓ ଚାନ୍ଦୁଆ ଥାନା ନାଗଶୋଳ ଅଞ୍ଚଳର ମିନାକ୍ଷୀ ବେହେରା ।

ବାରିପଦା ପିଆରଏମ୍ ହସ୍ପିଟାଲରେ ଗତ ଚାରିଦିନ ତଳେ କେନ୍ଦୁଡ଼ିହା ଅଞ୍ଚଳର ସାଲେଇ ବାସ୍କେଙ୍କ ସ୍ତ୍ରୀ ରାଇମଣି ଏକ ଶିଶୁକୁ ଜନ୍ମ ଦେଇଥିଲେ । ଏହି ଶିଶୁକୁ ଚୋରି କରି ନେଇଥିଲେ ଏହି ଦୁଇ ମହିଳା । ଘଟଣାରେ ଆଉ କେଉଁ ମାନେ ସମ୍ପୃକ୍ତ ଅଛନ୍ତି ସେନେଇ ଅଧିକ ତଦନ୍ତ ଜାରି ରଖିଛି ପୋଲିସ ।