କମିଶନରେଟ୍ ପୋଲିସ କବଜାରେ ୪ ଲୁଟେରା, ୧୨ ସୁନା ଚେନ୍ ଜବତ
ଭୁବନେଶ୍ୱର: ଛିନତାଇ ସୁନା ବନ୍ଧକ ରଖି ଋଣ । ଏଭଳି ଏକ ଦୁର୍ଦ୍ଦାନ୍ତ ଲୁଟେରା ଗ୍ୟାଙ୍ଗକୁ ଧରିଛି କମିଶନରେଟ୍ ପୋଲିସର ସ୍ପେଶାଲ ସ୍କ୍ୱାଡ୍ । ଗ୍ୟାଙ୍ଗର ୪ ଜଣ ଲୁଟେରାକୁ ଗିରଫ କରିଛି ପୋଲିସ । ଅଭିଯୁକ୍ତମାନେ ଛିନତାଇ ସୁନାକୁ ଝଳେଇ କରି ଋଣ ସଂସ୍ଥାରେ ବନ୍ଧକ ରଖି ଟଙ୍କା ଆଣୁଥିଲେ । ସେହି ଟଙ୍କାକୁ ଗର୍ଲ ଫ୍ରେଣ୍ଡଙ୍କ ପଛରେ ଉଡ଼ାଇ ମଉଜ କରୁଥିଲେ ।
ଅଭିଯୁକ୍ତଙ୍କୁ ଗିରଫ କରିବା ପରେ ସେମାନଙ୍କ ଠାରୁ ୧୨ଟି ସୁନା ଚେନ୍, ୩ଟି ବାଇକ, ମାରଣାସ୍ତ୍ର ଜବତ କରିଛି ପୋଲିସ । ଏଥିସହ ସୁନା ବନ୍ଧକ ରଖି ଋଣ ଦେଇଥିବା ସମ୍ପୃକ୍ତ ସଂସ୍ଥା ମାନଙ୍କୁ କମିଶନରେଟ୍ ପୋଲିସ ନୋଟିସ୍ ଜାରି କରିଛି ।
କାଗଜପତ୍ର ଦେଖି ଋଣ ଦେବାକୁ କମିସନରେଟ ପୋଲିସ ପକ୍ଷରୁ ସଂସ୍ଥା ଗୁଡ଼ିକୁ ପରାମର୍ଶ ଦିଆଯାଇଛି । ବିନା କାଗଜପତ୍ରରେ ସୁନା ବନ୍ଧକ ରଖିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଭୁବନେଶ୍ୱର ଡିସିପି ।
