କଂଗ୍ରେସ ମୁଖପାତ୍ର ରାଜୀବ ତ୍ୟାଗୀଙ୍କ ନିଧନ,ଟିଭି ଡିବେଟ୍ ପରେ ହୃଦଘାତରେ ମୃତ୍ୟୁ
1 min readନୂଆଦିଲ୍ଲୀ: ଭାରତୀୟ କଂଗ୍ରେସ ମୁଖପାତ୍ର ରାଜୀବ ତ୍ୟାଗୀଙ୍କ ନିଧନ ହୋଇଯାଇଛି । ନ୍ୟୁଜ୍ ଏଜେନ୍ସୀ ଏଏନଆଇ ଅନୁସାରେ ବୁଧବାର ସଂଧ୍ୟା ବେଳେ ଗୋଟିଏ ଟିଭି ଡିବେଟରେ ଭାଗ ନେବା ପରେ ରାଜୀବଙ୍କର କାର୍ଡିଆକ୍ ଆରେଷ୍ଟ ହୋଇଥିଲା । ରିପୋର୍ଟ ଅନୁସାରେ ତାଙ୍କ ଦେହ ଅସୁସ୍ଥ ହେବାକୁ ତାଙ୍କୁ ଗାଜିଆବାଦର ଗୋଟିଏ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ହସ୍ପିଟାଲରେ ଭର୍ତ୍ତି ହେବାର କିଛି ସମୟ ପରେ ତାଙ୍କର ମୃତ୍ୟୁ ହୋଇଥିଲା । କଂଗ୍ରେସ ସଚିବ ଡ.ବିନୀତ ପୁନିୟା ଟ୍ୱିଟ୍ କରି ତାଙ୍କ ନିଧନ ଖବର ଦେଇଛନ୍ତି । ରାଜୀବଙ୍କ ଦେହାନ୍ତ ଖବର ଶୁଣି ବିଜେପି ମୁଖପାତ୍ର ସମ୍ବିତ ପାତ୍ର ଶୋକବ୍ୟକ୍ତ କରିଛନ୍ତି ।
आज शाम 5:00 बजे आज तक पर रहूंगा। धन्यवाद।
— Rajiv Tyagi (@RTforINDIA) August 12, 2020
ସଂଧ୍ୟାରେ କରିଥିଲେ ଶେଷ ଟ୍ୱିଟ୍
ତ୍ୟାଗୀ ବୁଧବାର ସଂଧ୍ୟା ୪.୩୦ ମିନିଟରେ ନିଜ ଶେଷ ଟ୍ୱିଟ୍ କରିଥିଲେ । ଯେଉଁଥିରେ ସଂଧ୍ୟା ୫ଟାରେ ସେ ଗୋଟିଏ ଘରୋଇ ଟିଭି ଚ୍ୟାନେଲ ଆଲୋଚନାରେ ଭାଗ ନେବେ ବୋଲି ସୂଚନା ଦେଇଥିଲେ ।
बेहद दुखद – भारतीय राष्ट्रीय कांग्रेस के प्रवक्ता और वरिष्ठ कांग्रेस नेता श्री राजीव त्यागी जी नहीं रहे।
उनके परिवारजनों और प्रशंसकों को मेरी हार्दिक संवेदना https://t.co/WGII9dD8r4
— Dr Vineet Punia / विनीत पुनिया (@VineetPunia) August 12, 2020
ତ୍ୟାଗୀଙ୍କ ନିଧନ ଖବର ଦେଇ ପୁନିୟା କହିଛନ୍ତି ଯେ, ଭାରତୀୟ ଜାତୀୟ କଂଗ୍ରେସ ମୁଖପାତ୍ର ଓ ବରିଷ୍ଠ କଂଗ୍ରେସ ନେତା ରାଜୀବ ତ୍ୟାଗୀ ଆଉ ନାହାନ୍ତି । ତାଙ୍କ ପରିବାର ଓ ସମର୍ଥକଙ୍କୁ ସମବେଦନା ।
विश्वास नहीं हो रहा है कंग्रेस के प्रवक्ता मेरे मित्र श्री @RTforINDIA हमारे साथ नहीं है।
आज 5 बजे हम दोनो ने साथ में @aajtak पर डिबेट भी किया था।
जीवन बहुत ही अनिश्चित है …अभी भी शब्द नहीं मिल रहें
हे गोविंद राजीव जी को अपने श्री चरणो में स्थान देना🙏— Sambit Patra (Modi Ka Parivar) (@sambitswaraj) August 12, 2020
ବିଜେପି ନେତା ସମ୍ବିତ ପାତ୍ର ଟ୍ୱିଟ୍ କରି କହିଛନ୍ତି ଯେ, ‘‘ ବିଶ୍ୱାସ ହେଉନି ଯେ, କଂଗ୍ରେସ ମୁଖପାତ୍ର ମୋ ବନ୍ଧୁ ରାଜୀବ ତ୍ୟାଗୀ ଆମ ସହ ନାହାନ୍ତି । ଆଜି ସଂଧ୍ୟା ୫ଟା ବେଳେ ଆମେ ଉଭୟ ଏକାଠି ଡିବେଟ୍ କରିଥିଲୁ । ଜୀବନ ଅତ୍ୟନ୍ତ ଅନିଶ୍ଚିତ । ବର୍ତ୍ତମାନ ମୋତେ ଶବ୍ଦ ମିଳୁନାହିଁ ।