ଦେଶରେ କମିଲାଣି କରାେନା ଭୟ; ୧୫ ରାଜ୍ୟରେ ଗତ ୨୪ ଘଣ୍ଟାରେ ମୃତ୍ୟୁ ସଂଖ୍ୟା ଶୂନ

1 min read
Corona

ନୂଆଦିଲ୍ଲୀ: ସୁଧୁରୁଛି ସ୍ଥିତି । କରୋନା ପ୍ରତି କମୁଛି ଭୟ । ଦେଶର ୧୫ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଗତ ୨୪ ଘଣ୍ଟା ମଧ୍ୟରେ ଗୋଟିଏ ବି କରୋନା ଜନିତ ମୃତ୍ୟୁ ଖବର ସାମ୍ନାକୁ ଆସିନାହିଁ । ଏହାସହିତ ସାତୋଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ଗତ ତିନି ସପ୍ତାହ ମଧ୍ୟରେ କରୋନାରେ ଆକ୍ରାନ୍ତ ହୋଇ କେହି ମୃତ୍ୟୁ ବରଣ କରିନାହାନ୍ତି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସଚିବ ରାଜେଶ ଭୂଷଣ ମଙ୍ଗଳବାର ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ।

ଭାରତରେ ଦୈନିକ କୋଭିଡ୍ -୧୯ ସଂକ୍ରମଣ ମାମଲା ମଧ୍ୟ ହ୍ରାସ ପାଉଛି । ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି ଯେ, ପ୍ରତ୍ୟେକ ଦିନ କୋଭିଡ୍‌ ସଂକ୍ରମଣ ମାମଲା କମିବାରେ ଲାଗିଛି । ସେହିଭଳି ସୁସ୍ଥତା ହାର ମଧ୍ୟ ବଢ଼ୁଛି । ତେଣୁ କରୋନା ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ମଧ୍ୟ କମିଛି । ଖୋଲି ସେତିକି ନୁହେଁ ପୁରା ଦେଶରେ କୋଭିଡ୍‌ ଯୋଗୁଁ ହେଉଥିବା ମୃତ୍ୟୁ ସଂଖ୍ୟା ମଧ୍ୟ ହ୍ରାସ ପାଉଛି । ମନ୍ତ୍ରଣାଳୟ କହିଛି ଯେ ଜାନୁଆରୀ ଦ୍ୱିତୀୟ ସପ୍ତାହରେ ଦିନକୁ ହାରାହାରି ମୃତ୍ୟୁ ୨୧୧ ଥିଲା ଏବଂ ଫେବୃଆରୀ ଦ୍ୱିତୀୟ ସପ୍ତାହରେ ଏହା ୫୫ ପ୍ରତିଶତ ହ୍ରାସ ପାଇ ୯୬କୁ ଖସି ଆସିଛି ।

ଭାରତରେ କରୋନା ଚିକିତ୍ସିତଙ୍କ ସଂଖ୍ୟା ମଧ୍ୟ କମିଛି । ଏବେ ୧.୪୩ ଲକ୍ଷ ଲୋକ ଚିକିତ୍ସିତ ହେଉଛନ୍ତି । ଯାହା ସମୁଦାୟ ସଂକ୍ରମଣର ମାତ୍ର ୧.୩୨ ପ୍ରତିଶତ । ଗତ ଚବିଶ ଘଣ୍ଟା ମଧ୍ୟରେ,୧୪ ଜହାର ୧୬ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଏବେ ସୁଦ୍ଧା, ମୋଟ ୧,୦୫,୪୮,୫୨୧ ଜଣ କରୋନା ରୋଗୀ ସୁସ୍ଥ ହୋଇସାରିଛନ୍ତି ।

Leave a Reply