ଜଙ୍ଗଲରେ ବଣୁଆ ହାତୀଙ୍କୁ ବୁଦ୍ଧି ଶିଖାଇଲେ ଗାଈ ଗୋଠ, ଦେଖନ୍ତୁ ଭିଡିଓ

କରଞ୍ଜିଆ: ମୟୂରଭଞ୍ଜ ଜିଲ୍ଲାର ବିଭିନ୍ନ ସ୍ଥାନରେ ଲାଗି ରହିଛି ବଣୁଆ ହାତୀଙ୍କ ଉପଦ୍ରବ । କରଞ୍ଜିଆ ବନଖଣ୍ଡ ଅଞ୍ଚଳରେ ବି ହାତୀ ଚଳାଇଛନ୍ତି ଉତ୍ପାତ । କେତେବେଳେ ବିଲରେ ଧାନ ଫସଲକୁ ଦଳି ନଷ୍ଟ କରି ଦେଉଛନ୍ତି ଆଉ କେବେ ଭାଙ୍ଗୁଛନ୍ତି ଘରଦ୍ୱାର । ହାତୀପଲଙ୍କ ଉତ୍ପାତରେ ଅତିଷ୍ଠ ହୋଇ ପଡ଼ିଲେଣି ଲୋକ । ପ୍ରାୟ ୨୦ ଦିନ ହେଲାଣି ଅଞ୍ଚଳରେ ଏଭଳି ଭାବେ ହାତୀପଲ ଉପଦ୍ରବ ଜାରି ରଖିଛନ୍ତି ।

ହାତୀପଲଙ୍କ ଉତ୍ପାତ ମଧ୍ୟରେ ଦେଖିବାକୁ ମିଳିଛି ନିଆରା ଦୃଶ୍ୟ । ଗାଁ ନିକଟ ଜଙ୍ଗଲ ମଧ୍ୟ ଦେଇ ହାତୀପଲ ପାର୍ ହେଉଥିବା ବେଳେ ହଡ଼ବଡ଼େଇ ଯାଇଛନ୍ତି । ହାତୀପଲ ଜଙ୍ଗଲରୁ ଆସି ତଟାସାହି ନିକଟରେ ରୁଣ୍ଡ ହୋଇଥିବା ବେଳେ ଗାଈ ଗୋଠ ସେମାନଙ୍କୁ ତଡ଼ି ଦେଇଛନ୍ତି । ଗାଇଗୋଠକୁ ଦେଖି ହାତୀପଲ ପ୍ରଥମେ ଏଣେ ତେଣେ ଦୌଡ଼ିବାରେ ଲାଗିଥିଲେ । ପରେ ଗାଁ ଲୋକ ଆସି ହୋହାଲ୍ଲା କରିବାରୁ ହାତୀପଲ ପଳାଇଥିଲେ ।