କୋଲକାତାକୁ ୬ୱିକେଟରେ ପରାସ୍ତ କଲା ଚେନ୍ନାଇ
ଆବୁଧାବି: ଶେଷ ପର୍ଯ୍ୟାୟରେ ଚଳିତ ସିଜନର ଆଇପିଏଲ୍ । ତଥାପି ସରୁନି ରୋମାଞ୍ଚ । ଗତକାଲି ମ୍ୟାଚକୁ ଶେଷ ବଲରେ ଜିତିନେଇ କୋଲକାତାକୁ ୬ୱିକେଟରେ ପରାସ୍ତ କରିଛି ଚେନ୍ନାଇ । ଫଳରେ କୋଲକାତାର ପ୍ଲେ ଅଫ୍ ରାସ୍ତାକୁ କଠିନ କରିଦେଇଛି ଧୋନି ବାହିନୀ । ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇ଼ର୍ସ ୧୭୨ରନ୍ କରିଥିଲା । ୧୭୩ ରନର ଟାର୍ଗେଟ୍ କୁ ପିଛା କରୁଥିବା ଚେନ୍ନାଇକୁ ଜିତିବାକୁ ଶେଷ ୧୨ ବଲ୍ରୁ ୩୦ ରନ୍ ଦରକାର ଥିଲା ।
ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ବିସ୍ଫୋରକ ବ୍ୟାଟିଂ ଦ୍ୱାରା ମ୍ୟାଚକୁ କୋଲକାତାଠାରୁ ଛଡାଇ ଆଣିଥିଲା ଚେନ୍ନାଇ । ଜାଡେଜାଙ୍କ ୧୧ବଲରେ ୩୧ରନ୍ ଚେନ୍ନାଇକୁ ବିଜୟ ଦ୍ୱାରକୁ ନେଇଯାଇଥିଲା । କୋଲକାତା ତରଫରୁ ନୀତୀଶ ରାଣା ସର୍ବାଧିକ ୮୭ରନ ଓ ଚେନ୍ନାଇର ଋତୁରାଜ ଗାଏକ୍ୱାଡ୍ ୭୨ରନ ସଂଗ୍ରହ କରିଥିଲେ ।
ତେବେ ଗତକାଲି ମ୍ୟାଚରେ ଚେନ୍ନାଇକୁ ଜିତାଇବାରେ ମୁଖ୍ୟ ଗ୍ରହଣ କରିଥିଲେ ଋତୁରାଜ ଗାୟକବାଡ଼, ଅବନ୍ତି ରାୟଡ଼ୁ, ରବିନ୍ଦ୍ର ଜାଡ଼େଜା, ଲୁଙ୍ଗି ଏନଗିଡ଼ି ଓ ସ୍ୟାମ କୋରାନ । ସେପଟେ ଆଜି ଆଇପିଏଲରେ ପଞ୍ଜାବକୁ ଭେଟିବ ରାଜସ୍ଥାନ ରୟାଲ୍ସ ।
