ପେଶା ଡ୍ରାଇଭର, ନିଶା ଲୁଟ୍
କଟକ: ପୋଲିସ ହାତରେ ଲୁଟେରା । କଟକ ଚାଉଳିଆଗଞ୍ଜ ଥାନା ପୋଲିସ ୪ ଜଣ ଲୁଟେରାଙ୍କୁ ଗିରଫ କରିଛି । ଏମାନେ କଟକର ବିଭିନ୍ନ ସ୍ଥାନରୁ ଲୋକଙ୍କୁ ପିଛାକରି ଲୁଟ୍ କରୁଥିଲେ । ସେମାନେ ପଛେ ପଛେ ଯିବା ସହ ନିଛାଟିଆ ସ୍ଥାନ ଦେଖି ସୁନା ଏବଂ ମୋବାଇଲ ଫୋନ୍ ଲୁଟି ନେଉଥିଲେ ।
ଗିରଫ ୪ଜଣ ପେଶାରେ ଡ୍ରାଇଭର ବୋଲି ଜଣାପଡ଼ିଛି । ସେମାନଙ୍କ ଠାରୁ ୫ଟି ସୁନା ଚେନ୍, ୫ଟି ମୋବାଇଲ ସହ ଲୁଟରେ ବ୍ୟବହାର କରୁଥିବା ୨ଟି ବାଇକକୁ ପୋଲିସ ଜବତ କରିଛି । ଜବତ ସୁନା ହାରର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କା ହେବ । ଏମାନଙ୍କ ବିରୋଧରେ ଚାଉଳିଆଗଞ୍ଜ ଥାନା ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ଥିବା ଜଣାପଡ଼ିଛି ।
