ବଲିଉଡ୍‌ ଡ୍ରଗ୍ସ ମାମଲା: ଅଭିନେତ୍ରୀଙ୍କ ପରେ ଏବେ ଅଭିନେତାଙ୍କୁ ସମନ ପଠାଇବ ଏନ୍‌ସିବି !

1 min read
DRUGS

ମୁମ୍ବାଇ: ସୁଶାନ୍ତ ସିଂହ ମୃତ୍ୟୁ ମାମଲା ରହସ୍ୟ ଏବେ ବି ପେଡ଼ି ଭିତରେ ରହିଛି । ମୃତ୍ୟୁ ରହସ୍ୟ ସାମ୍ନାକୁ ଆସୁନଥିବା ବେଳେ ବଲିଉଡ୍‌ରେ ଡ୍ରଗ୍ସ ମାମଲା ଏବେ ଘନିଭୂତ ହେବାରେ ଲାଗିଛି । ବଡ଼ ବଡ଼ ସେଲିବ୍ରିଟି ଏହି ଡ୍ରଗ୍ସ ମାମଲାରେ ଦିନକୁ ଦିନ ଛନ୍ଦି ହେବାରେ ଲାଗିଛନ୍ତି । ପ୍ରଥମେ ବଡ଼ ବଡ଼ ହିରୋଇନ୍‌ ଏନ୍‌ସିବି ଜେରାର ସମ୍ମୁଖୀନ ହୋଇସାରିଥିବା ବେଳେ ଏବେ ବଲିଉଡ୍‌ ହିରୋଙ୍କ ପାଳି ପଡ଼ିବ ବୋଲି ସୂଚନା ମିଳିଛି । ଏହି ତାଲିକାରେ ସାହାରୁଖ ଖାନ୍‌, ରଣବୀର କାପୁର, ଡିନୋ ମୋରିଆ ଓ ଅର୍ଜୁନ୍‌ ରାମ୍‌ପାଲଙ୍କ ନାଁ ଯୋଡ଼ି ହୋଇଥିବା ଜଣାପଡ଼ିଛି । ଏନେଇ ଏକ ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି ।

ଏନ୍‌ସିବି ପରବର୍ତ୍ତୀ ପଦକ୍ଷେପ ନେବା ପୂର୍ବରୁ ହୋମ୍‌ଓ୍ୱାର୍କ କରି ଆଗେଇବାକୁ ଚାହଁଛି । ଏହାପରେ ଏହି ଅଭିନେତାମାନଙ୍କୁ ଏନ୍‌ସିବି ସମନ ପଠାଇପାରେ ବୋଲି ସୂଚନା ମିଳିଛି । ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଏନ୍‌ସିବିର ଜଣେ ଅଧିକାରୀ ନିଜ ନାଁ ଗୋପନ ରଖି ବଲିଉଡ୍‌ର ଏହି ବଡ଼ ବଡ଼ ତାରକାଙ୍କ ନାଁର ଖୁଲାସା କରିଛନ୍ତି ।

ତେବେ ଏହା ପୂର୍ବରୁ କିଛି ଜାତୀୟ ଗଣମାଧ୍ୟମ ଏନେଇ ଖବର ପ୍ରସାରଣ କରିସାରିଛନ୍ତି । ସେମାନଙ୍କ ନାଁର ପ୍ରଥମ ଅକ୍ଷର କେଉଁଥିରୁ ଆରମ୍ଭ ହେଉଛି ସେନେଇ ଚର୍ଚ୍ଚା ହୋଇଥିଲା । ମଙ୍ଗଳବାର ଏବିପି ନ୍ୟୁଜ୍‌ ସୂତ୍ରରୁ ପ୍ରକାଶ ଯେ, ଡ୍ରଗ୍ସ ମାମଲାରେ ଏନସିବି ତିନିଜଣ ସୁପରଷ୍ଟାରଙ୍କୁ ପଚରାଉଚରା କରିପାରେ, ଯେଉଁମାନେ ଦୀପିକା ପାଦୁକୋନଙ୍କ ସହ କାମ କରିସାରିଛନ୍ତି । ଏହି ଅଭିନେତାମାନଙ୍କ ନାମ S, R ଏବଂ A ରୁ ଆରମ୍ଭ ହୁଏ ।

ଏହି ତିନି ତାରକାଙ୍କ ନାମ ନିର୍ମାତା କ୍ଷିତିଜ ରବି ପ୍ରସାଦ କହିଛନ୍ତି । ଯେଉଁ ଅଭିନେତାଙ୍କ ନାମ A ରୁ ଆରମ୍ଭ ହୁଏ, ସେ ଡ୍ରଗ୍ସ ବ୍ୟବହାର କରିବା ସହ ଏବଂ ଲୋକଙ୍କୁ ଡ୍ରଗ୍ସ ଯୋଗାଉଥିଲେ ବୋଲି କ୍ଷିତିଜ କହିଛନ୍ତି ।

Leave a Reply