ସାଲିଆ ସାହିରେ ଉଚ୍ଛେଦକୁ ନେଇ ତୀବ୍ର ଉତ୍ତେଜନା
ଭୁବନେଶ୍ୱର: ଭୁବନେଶ୍ୱର ସାଲିଆ ସାହିରେ ପୂର୍ତ୍ତବିଭାଗର ରାସ୍ତା ପ୍ରଶସ୍ତିକରଣକୁ ନେଇ ତୀବ୍ର ଉତ୍ତେଜନା । ମଙ୍ଗଳବାରଠାରୁ ସାଲିଆ ସାହି ଛକରୁ ରେଳ ବିହାର ପର୍ଯ୍ୟନ୍ତ ୨ଶହ ଫୁଟିଆ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ସାଲିଆ ସାହି ବସ୍ତିର କିଛି ଅଂଶ ଏହି ୨ଶହ ଫୁଟିଆ ରାସ୍ତା ମଝିରେ ଆସୁଥିବାରୁ ତାକୁ ଉଛେଦ କରାଯିବାକୁ ପୂର୍ତ୍ତ ବିଭାଗ ପକ୍ଷରୁ ଉଦ୍ୟମ କରାଯାଇଥିଲା ।
ହେଲେ ବସ୍ତି ଉଛେଦ ଓ ରାସ୍ତା ନିର୍ମାଣ କାମକୁ ବସ୍ତି ବାସିନ୍ଦା ତୀବ୍ର ବିରୋଧ କରିଥିଲେ । ଫଳରେ ଦୀର୍ଘ ସମୟ ଧରି ସେଠାରେ ଉତ୍ତେଜନା ଦେଖା ଦେଇଥିଲା । ଘଟଣଣାସ୍ଥଳରେ ନୟାପଲ୍ଲୀ ଥାନା ପୋଲିସ ପହଞ୍ଚି ପୂର୍ତ୍ତ ବିଭାଗର ଜେସିବିକୁ ଲୋକଙ୍କ କବଳରୁ ଉଦ୍ଧାର କରିବା ସହ, ଆଇନଶୃଙ୍ଖଳା ସ୍ଥିତ ସମ୍ଭାଳି ଥିଲେ । ଲୋକଙ୍କ କହିବା ହେଲା ପୁର୍ବରୁ ମଧ୍ୟ ପୂର୍ତ୍ତ ବିଭାଗ ପକ୍ଷରୁ ବସ୍ତ ଉଛେଦ କରିବାକୁ ଉଦ୍ୟମ କରାଯାଇଥିଲା । ହେଲେ ଲୋକଙ୍କୁ ଥଇଥାନ ନକରି ବସ୍ତି ଉଛେଦ ଓ ରାସ୍ତାନିର୍ମାଣକୁ ଆସନ୍ତାଦିନରେ ମଧ୍ୟ ବିରୋଧ କରାଯିବ ।
