ନକଲି ନୋଟ ଦେଇ ପେଟ୍ରୋଲ ପକାଉଥିବା ବେଳେ ଧରିଲା ପୋଲିସ

1 min read

ଝାରସୁଗୁଡ଼ା: ନକଲି ନୋଟ ଜବତ କଲା ପୋଲିସ । ନକଲି ତେଲ, ଘିଅ, ଲଙ୍କାଗୁଣ୍ଡ ଓ ହଳଦୀ ଗୁଣ୍ଡ ପରେ ଏବେ ନକଲି ନୋଟ ଜବତ ହୋଇଛି ।। ନକଲି ନୋଟ ଦେଇ ପେଟ୍ରୋଲ ପମ୍ପରେ ତେଲ ପକାଉଥିବା ବେଳେ ଧରିଲା ପୋଲିସ । ଏହାସହ ନକଲି ନୋଟ କାରଖାନ ମଧ୍ୟ ଠାବ କରାଯାଇଛି । ଘଟଣାଟି ହେଉଛି ବନହରପାଲି ଅଞ୍ଚଳର ।

ବନହରପାଲି ସ୍ଥିତ ଏକ ପେଟ୍ରୋଲ ପମ୍ପରେ ଜଣେ ବ୍ୟକ୍ତି ନକଲି ନୋଟ ଦେଇ ପେଟ୍ରୋଲ ଭରୁଥିବା ବେଳେ ପମ୍ପ ମାଲିକ ପୋଲିସକୁ ଖବର କରିଥିଲେ  । ପୋଲିସ ଖବରପାଇ ଏନେଇ ତଦନ୍ତ କରି ଜଣକୁ ବନହରପାଲିରୁ ଗିରଫ କରିଥିଲା  । ତାକୁ ଅଧିକ ପଚରାଉଚୁରା କରିବା ପରେ ସମ୍ବଲପୁରର ବାମରାରେ ଏକ ନକଲି ନୋଟ କାରାଖାନା ଚାଲୁ ଥିବା ଖବର ପାଇଥିଲା । ତାପରେ ପୋଲିସ ବାମରାସ୍ଥିତ ନକଲି ନୋଟ କାରଖାନାରେ ଚଢ଼ାଉ କରି ଥିଲା । ସେଠାରୁ ୨ ଜଣକୁ ଗିରଫ କରିବାସହ ତାଙ୍କ ଠାରୁ ୯୬ ହଜାର ୩ଶହ ଟଙ୍କା ଜବତ କରିବା ସହ ୩ ଜଣକୁ ଗିରଫ କରିଛି  ।

ତେବେ ଅଭିଯୁକ୍ତ ମାନଙ୍କଠାରୁ ୯୧୮ ଟି ୧୦୦ ଟଙ୍କିଆ,  ୯ ଟି ୫୦୦ ଟଙ୍କିଆ,  ଗୋଟେ କଲର ପ୍ରିଣ୍ଟର ଏବଂ ଗୋଟିଏ ବାଇକ ଜବତ କରିଛି ପୋଲିସ । ଗିରଫ ଅଭିଯୁକ୍ତମାନେ ସମ୍ଵଳପୁର ଗୋବିନ୍ଦପୁରର  ମହମ୍ମଦ ଇରଫାନ(୨୪), ଇସ୍ଥିଫାକ ଆନସାରୀ (୩୨),  ଲଖନପୁର ବ୍ଲକ  ଖାଡ଼ମର ମହମ୍ମଦ ଅଜମଲ (୨୦) ବୋଲି ଝାରସୁଗୁଡା ଜିଲ୍ଲା ଆରକ୍ଷୀ ଅଧକାରୀ କହିଛନ୍ତି l ଆଜି ୩ ଜଣ ଅଭିଯୁକ୍ତଙ୍କୁ କୋଟ ଚାଲାଣ କରାଯିବା ବୋଲି ଝାରସୁଗୁଡା ଏସପି ସୂଚନା ଦେଇଛନ୍ତି  ।

Leave a Reply