ଲଣ୍ଡା ହେବାକୁ ବସିଲାଣି ମୂଲ୍ୟବାନ ପାହାଡ଼, ପ୍ରଶାସନ ନିଦାବିଷ୍ଣୁ

mines Mafia

ଯାଜପୁର: ଯାଜପୁର ଜିଲ୍ଲାରେ ଏବେ ପାହାଡ଼ ଧ୍ୱଂସ ପାଇବାକୁ ବସିଲାଣି । ଖଣି ମାଫିଆ ମାନେ ବେଆଇନ ଭାବେ ପାହାଡ଼ ଖନନ କରି ରାଜ୍ୟ ତଥା ଦେଶ ବାହାରକୁ କଳା ପଥର ଚାଲାଣ କରି ମାଲାମାଲ ହେଉଛନ୍ତି । ହେଲେ ପ୍ରଶାସନ ପକ୍ଷରୁ କୌଣସି ଠୋସ୍‌ କାର୍ଯ୍ୟନୁଷ୍ଠାନ ନିଆ ଯାଉନଥିବାରୁ ଧିରେ ଧିରେ ଲଣ୍ଡା ହେବାକୁ ବସିଲାଣି କଳା ପଥର ପାହାଡ଼ ।

Mining

ପ୍ରଶାସନର ଦୃଷ୍ଟି ଆଢ଼ୁଆଳରେ ଯାଜପୁର ଧର୍ମଶାଳା ତହସିଲରେ ପଥର ମାଫିଆଙ୍କ ଦୌରାତ୍ମ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ପ୍ରଶାସନ ଓ ଖଣି ମାଫିଆଙ୍କ ମଧ୍ୟରେ ମଧୁ ଚନ୍ଦ୍ରିକା ଥିବାରୁ ଏଭଳି ବେଆଇନ୍‌ କାରବାର ଚାଲିଥିବା କୁହାଯାଉଛି । ୱାରଗନ ବ୍ଳାଷ୍ଟିଂ ଦ୍ୱାରା ବଡ଼ ବଡ଼ ପାହାଡ଼ ଭାଙ୍ଗି ପଥର ଚୋରା ଚାଲଣ ହେଉଛି । ଏହି ଅଞ୍ଚଳରୁ ସହ ସହ ଟ୍ରିପ୍‌ ପଥର ରାଜ୍ୟ ତଥା ରାଜ୍ୟ ବାହାରକୁ ପଠାଯାଉଥିବା ଅଭିଯୋଗ ରହିଛି । ଏମିତିକି ବିଦେଶକୁ ଏହି ପଥର ଚାଲାଣ ହେଉଥିବା ଅଭିଯୋଗ ହେଉଛି । ଡଙ୍କାରୀ, ରାହାଡ଼ପୁର, ବିଛାଖଣ୍ଡି ପାହାଡ଼ରେ ମେଗା କ୍ରସର ପକାଇ ଲୁଟ୍‌ କରୁଛନ୍ତି କଳା ପଥର ।

Mining

ପାହାଡ଼ରୁ ବେଆଇନ ଖନନ ଯୋଗୁ ଅନେକ ସମସ୍ୟା ଦେଖାଦେଉଛି । ବ୍ଳଷ୍ଟିଙ୍ଗ ମାଧ୍ୟମରେ ପାହାଡ଼ ଫଟା ଯାଉଥିବାରୁ ବନ୍ୟ ଜନ୍ତୁଙ୍କ ଅକାଳରେ ମୃତ୍ୟୁ ହେଉଛି । ଏପରିକି ପାଣି ଦୂଷିତ ହେଉ ଥିବାରୁ ଲୋକେ ମଧ୍ୟ ରୋଗର ଶିକାର ହେଉଛନ୍ତି । ବଡ଼ ବଡ଼ ମେଗା କ୍ରସରର ଧୂଳିରେ ଜନ ଜୀବନ ଅସ୍ତବ୍ୟସ୍ତ ହୋଇ ପଡୁଛି । ତେବେ ଯାଜପୁର ଜିଲ୍ଲାପାଳ କହିଛନ୍ତି ବେଆଇନ ଖାଦାନରେ ଚଢ଼ାଉ କରି ଫାଇନ ଆଦାୟ ହେଉଛି । ଆଗାମୀ ଦିନରେ କିଛି ପାହାଡ଼କୁ ଲିଜ୍‌ ଆକାରରେ ଦିଆଯିବ ଯାହା ଫଳରେ ଏହି ବେଆଇନ କାରବାରକୁ ରୋକା ଯାଇପାରିବ ।

Leave a Reply