ଦେଶରେ ୨୪ ଘଣ୍ଟାରେ ୧୪ହଜାର ୨୬୪ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ପୁଣି ଉପରମୁହାଁ କରୋନା ଗ୍ରାଫ୍  । ୨୭ଦିନ ପରେ କରୋନା ପୁଣି ତା’ର କାୟା ବିସ୍ତା କରିବା ଆରମ୍ଭ କରିଛି । ୨୪ ଘଣ୍ଟାରେ ଦେଶରେ ୧୪ହଜାର ୨୬୪ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୯୦ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଦେଶରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ଏକ କୋଟି ୯ଲକ୍ଷ ୯୧ ହଜାର ୬୫୧ରେ ପହଞ୍ଚିଛି ।

ମୋଟ୍ କରୋନା ମୃତ୍ୟୁସଂଖ୍ୟା ଲକ୍ଷେ ୫୬ହଜାର ୩୦୨ ଥିବା ବେଳେ କୋଟିଏ ୬ଲକ୍ଷ ୮୯ହଜାର ୭୧୫ଜଣ ସୁସ୍ଥ ହୋଇଛନ୍ତି । ଦେଶରେ କରୋନା ଆକ୍ଟିଭ କେସ୍ ଲକ୍ଷେ ୪୫ହଜାର ୬୩୪ ରହିଛି । ୨୭ଦିନ ପରେ ଦେଶରେ ଗତକାଲି ୧୩ହଜାର ୯୯୩ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ଜାନୁଆରୀ ୨୩ ପରଠାରୁ ୧୩ ହଜାର ଉପରକୁ ଉଠିନଥିଲା କରୋନା ସଂକ୍ରମିତଙ୍କ ସଂଖ୍ୟା । ଦେଶର ୫ଟି ରାଜ୍ୟ ମହାରାଷ୍ଟ୍ର, ପଞ୍ଜାବ, ମଧ୍ୟପ୍ରଦେଶ, କେରଳ ଓ ଛତିଶଗଡରେ ସଂକ୍ରମଣ ବଢୁଛି ।