ଜୋ-ବିଡେନ୍‌ଙ୍କ ନାଁରେ ବେଆଇନ ଅର୍ଥ ନେଣଦେଣ ଅଭିଯୋଗ ଆଣିଲେ ଟ୍ରମ୍ପ

joe biden-trump

ନୂଆଦିଲ୍ଲୀ: ଆମେରିକାରେ ରାଷ୍ଟ୍ରପତି ନିର୍ବାଚନ ପାଇଁ ଆଉ ସପ୍ତାହକରୁ କମ୍‌ ସମୟ ରହିଛି । ଏହାରି ଭିତରେ ଏବେ ଉଭୟ ଦଳର ରାଷ୍ଟ୍ରପତି ପ୍ରାର୍ଥୀଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଏବେ ରୋଚକ ମୋଡ଼ ନେଇଛି ।

ରିପବ୍ଲିକାନ୍‌ ପାର୍ଟିର ପ୍ରର୍ଥୀ ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଡେମୋକ୍ରାଟିକ୍‌ ଦଳର ରାଷ୍ଟ୍ରପତି ପ୍ରାର୍ଥୀ ଜୋ ବିଡେନ୍‌ଙ୍କ ବିରୋଧରେ ଅନେକ ଦୁର୍ନୀତି ମାମଲା ରହିଛି । ହେଲେ ଏନେଇ ପ୍ରମୁଖ ଗଣମାଧ୍ୟମମାନେ ମୁହଁ ଖୋଲୁନାହାନ୍ତି‌ କାହିଁକି ବୋଲି ଟ୍ରମ୍ପ ପ୍ରଶ୍ନ କରିଛନ୍ତି । ଜୋ ବିଡେନ୍‌ ବେଆଇନ୍‌ ଭାବେ ରୁଷିଆଠାରୁ ୩.୫ ନିୟୁତ ଆମେରିକୀୟ ଡଲାର ପାଇଛନ୍ତି । ରାଷ୍ଟ୍ରପତି ଭ୍ଲାଦ୍‌ମିର ପୁଟିନ୍‌ଙ୍କ ମାଧ୍ୟମରେ ସେ ଏହି ଟଙ୍କା ପାଇଛନ୍ତି । କାରଣ ମସ୍କୋର ପୂର୍ବତନ ମେୟରଙ୍କ ସହ ବିଡେନ୍‌ଙ୍କ ଭଲ ସମ୍ପର୍କ ଥିଲା । ତେବେ ଏହି ବେଆଇନ ଅର୍ଥ ନେଣଦେଣରେ ବିଡେନ୍‌ ଲିପ୍ତ ଥିବାବେଳେ ଆମେରିକୀୟ ଗଣମାଧ୍ୟମ ଏନେଇ ନିରବ କାହିଁକି ବୋଲି ରାଷ୍ଟ୍ରପତି ଟ୍ରମ୍ପ୍‌ ପ୍ରଶ୍ନ କରିଛନ୍ତି ।

joe biden-trump

ସେପଟେ ଏହାର ଜବାବରେ ଜୋ ବିଡେନ୍ ଟ୍ରମ୍ପଙ୍କ ଉପରେ କରୋନାକୁ ନେଇ ଜୋରଦାର ପ୍ରହାର କରିଛନ୍ତି । ଏହାସହ ବିଡେନ କହିଛନ୍ତି, ଟ୍ରମ୍ପ ମିଛ କହିବାରେ ଓସ୍ତାଦ । ଟ୍ରମ୍ପଙ୍କ ପରି ମୁଁ କରୋନାକୁ ଆଖିପିଛୁଳାକେ ନଷ୍ଟ କରିଦେବି ବୋଲି ମିଛ ପ୍ରତିଶ୍ରୁତି ଦେଇପାରିବି ନାହିଁ । ଏଥିପାଇଁ ଆମ ସମସ୍ତଙ୍କୁ ମିଳିତ ଭାବେ କଠିନ ପରିଶ୍ରମ କରିବାକୁ ପଡ଼ିବ । ତେବେ ନିକଟ ଅତୀତରେ ପ୍ରେସିଡେନସିଆଲ ଡିବେଟ୍‌ ସରିଥିବା ବେଳେ ଜୋ ବିଡେନଙ୍କ ପ୍ରଦର୍ଶନ ଭଲ ଥିଲା ବୋଲି ରାଜନୈତିକ ବିଶେଷଜ୍ଞମାନେ ମତ ଦେଇଛନ୍ତି । ହେଲେ ଏହା ମତଦାନକୁ ପ୍ରଭାବିତ କରିବାରେ ସଫଳ ହୋଇନପାରେ ବୋଲି କୁହାଯାଉଛି ।

Leave a Reply