ଭଲ ଖବର: ଋଷର ଫାଇଜର ପରେ ଆମେରିକାର ମୋଡେର୍ଣ୍ଣା ଟିକା, କୋରୋନା ପାଇଁ ପ୍ରଭାବଶାଳୀ

ପୁଣି ଆସିଲା ଆଉ ଭଲ ଖବର । ଋଷ ପରେ ଆମେରିକାର ଔଷଧ କମ୍ପାନୀ କହିଲା ‘ମୋ ଔଷଧ ୯୪.୫% କାମ କରୁଛି’ ସାରା ବିଶ୍ୱରେ କରୋନାର ଆତଙ୍କ ଜାରି ରହିଛି । ସଂକ୍ରମଣ କମୁଥିଲେ ମଧ୍ୟ ବିପଦ କମିନାହିଁ । ଏହାରି ଭିତରେ ଆମେରିକୀୟ ଟିକା ମୋଡେର୍ଣ୍ଣା, ଭାଇରସ ଉପରେ ୯୪.୫ ପ୍ରତିଶତ ପ୍ରଭାବୀ ସାବ୍ୟସ୍ତ ହୋଇଥିବା ଦାବି ହେଉଛି । କିନ୍ତୁ କମ୍ପାନୀ ଡୋଜ୍ ହିସାବରେ ସରକାରଙ୍କୁ ଭାକସିନ୍ ବିକ୍ରି କରିବ ବୋଲି ଜଣାପଡିଛି । ପ୍ରତି ଡୋଜର ମୂଲ୍ୟ ୨୫ରୁ ୩୫ ଡଲାର ବା ୧୮୫୪ରୁ ୨୭୪୪ ଟଙ୍କା ମଧ୍ୟରେ ରହିବ ବୋଲି ସୂଚନା ମିଳିଛି ।

ଭାରତ ମଧ୍ୟ ଏହି ଟିକା ପାଇଁ ମୋଡେର୍ଣ୍ଣା ସହ ଆଲୋଚନା ଜାରି ରଖିଛି । କମ୍ପାନୀର ସିଇଓ ଷ୍ଟିଫେନ୍ ବାନସେଲ୍ କହିଛନ୍ତି ଯେ, ଭାକ୍ସିନର ମୂଲ୍ୟ ଆବଶ୍ୟକତା ଉପରେ ନିର୍ଭର କରିଥାଏ । ଏହି ଟିକାର ଦାମ୍ ସାମାନ୍ୟ ଫ୍ଲୁ ପାଇଁ ବ୍ୟବହୃତ ଔଷଧର ଦାମ୍ ସହ ସମାନ । ୟୁରୋପୀୟ ସଙ୍ଘ ମୋଡେର୍ଣ୍ଣାଠୁ ୨୫ ଡଲାରରୁ କମ୍ ମୂଲ୍ୟରେ ଟିକା ନେବାକୁ ଆଲୋଚନା କରୁଛି । ଏବେସୁଦ୍ଧା କୌଣସି ଚୁକ୍ତି ହୋଇନାହିଁ । ଏହି ଟିକା ଏବେ ଦୁନିଆ ପାଇଁ ଆଶାର କିରଣ ଭାବେ ଉଭା ହୋଇଛି ।  ମୋଡେର୍ଣ୍ଣା ଟ୍ରାଏଲରେ ପ୍ରାୟ ୩୦ ହଜାର ସ୍ୱେଚ୍ଛାସେବୀ ସାମିଲ ହୋଇଥିଲେ ।

ଏହା ପୂର୍ବରୁ ଫାଇଜର ଓ BioNTech ନିର୍ମାଣ କରିଥିବା ଭ୍ୟାକ୍ସିନ୍ କରୋନା ରୋକିବାରେ ୯୦ ପ୍ରତିଶତ ଫଳପ୍ରଦ ହୋଇଥିବା ଦାବି କରଯାଇଛି । ଭ୍ୟାକ୍ସିନର ତୃତୀୟ ପର୍ଯ୍ୟାୟ ପରୀକ୍ଷଣ ଚାଲିଥିବା ବେଳେ କମ୍ପାନୀ ଏହି ସୂଚନା ଦେଇଛି । ପ୍ରାଥମିକ ସୂଚନା ଅନୁସାରେ, କରୋନା ରୋଗୀଙ୍କୁ ୨୮ ଦିନିଆ ପର୍ଯ୍ୟବେକ୍ଷଣରେ ୩ଟି ପର୍ଯ୍ୟାୟରେ ଟୀକା ଦିଆଯାଇଥିଲା । ପ୍ରଥମ ଟିକାର ୧୪ ଦିନ ପରେ ଦ୍ୱିତୀୟ ଓ ତାର ୭ ଦିନ ପରେ ତୃତୀୟଥର ଟୀକା ଦିଆଯାଇଥିଲା । ୪୪ ହଜାର ଜଣଙ୍କ ଉପରେ ହୋଇଥିବା କରୋନା ଭ୍ୟାକ୍ସିନ୍ ୯୦ ପ୍ରତିଶତ କାମ ଦେଇଥିବା କମ୍ପାନୀ ଦାବି କରିଛି ।

ଫାଇଜର ପକ୍ଷରୁ କୁହାଯାଇଥିଲା- କ୍ଲିନିକାଲ ଟ୍ରାଏଲ ସମୟରେ ସୁରକ୍ଷାକୁ ନେଇ କୌଣସି ଗମ୍ଭୀର ପ୍ରସଙ୍ଗ ସମ୍ମୁଖକୁ ଆସିନଥିଲା । ଆମେରିକା ଓ ଅନ୍ୟ ଦେଶର ମୋଟ ୪୪ ହଜାର ଲୋକଙ୍କ ଉପରେ ଟୀକାର ପରୀକ୍ଷଣ କରାଯାଉଛି ।