୧୬ରେ କରୋନା ଟିକାକରଣ ଅଭିଯାନ, ଶୁଭାରମ୍ଭ କରିବେ ପ୍ରଧାନମନ୍ତ୍ରୀ

1 min read

ନୂଆଦିଲ୍ଲୀ: ଜାନୁଆରୀ ୧୬ରେ ସାରା ଦୁନିଆରେ ସର୍ବ ବୃହତ ଟୀକାକରଣ ଅଭିଯାନ ଆରମ୍ଭ ହେଉଛି। ଯାହାର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏସମ୍ପର୍କରେ ଗୁରୁବାର ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ।

ସୂଚନାନୁସାରେ, ଟିକା ନେବାକୁ ଥିବା କିଛି ସ୍ୱାସ୍ଥ୍ୟ କର୍ମୀଙ୍କ ସହ ଭିଡିଓ ମାଧ୍ୟମରେ ଯୋଗାଯୋଗ କରିବେ ପ୍ରଧାନମନ୍ତ୍ରୀ ମୋଦୀ । ଜାମ୍ମୁ କାଶ୍ମୀରରୁ କେରଳ ଏବଂ ଆସାମରୁ ଗୋଆ ଯାଏଁ ଦେଶର କୋଣ ଅଣୁକୋଣରେ  ଟିକା ପହଞ୍ଚାଇବାର କାମ ଚାଲିଛି।

ଆହୁରି ମଧ୍ୟ ପ୍ରଧାନମନ୍ତ୍ରୀ ଜାନୁଆରୀ ୧୬ରେ ଟିକାକରଣ ପାଇଁ ଜରୁରୀ CO-WIN ଆପ୍ ଲଞ୍ଚ କରିବେ। ୨,୯୩୪ ଟିକାକରଣ କେନ୍ଦ୍ର ମଧ୍ୟରୁ କେତେ ଗୁଡିକୁ ସର୍ଟଲିଷ୍ଟ କରାଯାଇଛି, ଯେଉଁଠାରୁ ହିତାଧିକାରୀମାନେ ପ୍ରଧାନମନ୍ତ୍ରୀଙ୍କ ସହିତ ଆଲୋଚନା କରିପାରିବେ । ଯେଉଁଥିରେ ସାମିଲ ରହିଛି ନୂଆଦିଲ୍ଲୀର ଏମ୍ସ ଏବଂ ସଫଦରଗଞ୍ଜ ହସ୍ପିଟାଲ୍ ।

ଜଣେ ବରିଷ୍ଠ ଅଧିକାରୀଙ୍କ କହିବାନୁଯାୟୀ, ପ୍ରଥମ ଦିନରେ ଦେଶର ୨,୯୩୪ ଟିକାକରଣ କେନ୍ଦ୍ରରେ ପ୍ରାୟ ତିନି ଲକ୍ଷ ସ୍ୱାସ୍ଥ୍ୟ କର୍ମୀଙ୍କୁ କରୋନା ଟିକା ଦିଆଯିବ। ପରେ ୫୦ ବର୍ଷ ବୟସରୁ ଉର୍ଦ୍ଧ୍ୱ ୨୭ କୋଟି ଲୋକ ଏବଂ ୫୦ ବର୍ଷରୁ କମ୍ ବୟସର ଅନ୍ୟ ଲୋକଙ୍କୁ ଟିକା ଦିଆଯିବ।

ସ୍ୱାସ୍ଥ୍ୟ ମନ୍ତ୍ରଣାଳୟର ଗାଇଡଲାଇନ ଅନୁଯାୟୀ ୫୦ ବର୍ଷ ବୟସ୍କ ଲୋକଙ୍କୁ ଚିହ୍ନଟ ପାଇଁ ଲୋକସଭା ତଥା ରାଜ୍ୟ ବିଧାନସଭା ନିର୍ବାଚନର ଭୋଟର ତାଲିକା ବ୍ୟବହାର କରାଯିବ । ଏହାବ୍ୟତିତ ଟିକା ପାଇଁ ଭୋଟ୍ ପରିଚୟ ପତ୍ର ଭଳି ଲୋକମାନେ ସେମାନଙ୍କର ଯେ କୌଣସି ପରିଚୟ ପତ୍ର ଦେଖାଇବାକୁ ପଡିବ । ଏହି ପରିଚୟ ପତ୍ର ମଧ୍ୟରେ ଆଧାର କାର୍ଡ, ପାନ୍ କାର୍ଡ, ପାସପୋର୍ଟ ସମେତ ମନରେଗାର ଜବ୍ କାର୍ଡ ଏବଂ ବ୍ୟାଙ୍କ କିମ୍ବା ଡାକଘରର ଫଟୋ ଲଗା ପାସବୁକ୍ ରହିଛି ।

ଏଥିସହ ପଢନ୍ତୁ- ବହୁ ପ୍ରତୀକ୍ଷାର ଅନ୍ତ, ଭୁବନେଶ୍ୱରରେ ପହଞ୍ଚିଲା କରୋନା ଭ୍ୟାକ୍ସିନ୍‌ 

 

 

 

 

 

 

 

 

 

Leave a Reply