ଟୁର୍ଣ୍ଣାମେଣ୍ଟ ଖେଳିପାରନ୍ତି ସାଇନା ନେହୱାଲ୍, କରୋନା ପଜିଟିଭ ରିପୋର୍ଟ ଭୁଲ୍

ନୂଆଦିଲ୍ଲୀ: ବ୍ୟାଡମିଣ୍ଟନ୍ ତାରକା ସାଇନା ନେହୱାଲ୍ ବୁଧବାର ଦିନ ହେବାକୁ ଥିବା ଥାଇଲାଣ୍ଡ ଓପନ୍ ଖେଳିବାର ସମ୍ଭାବନା ରହିଛି ।

ବ୍ୟାଡମିଣ୍ଟନ୍ ଆସୋସିଏସନ୍ ଅଫ୍ ଇଣ୍ଡିଆ (ବିଏଆଇ)ର ସୂଚନା ମୁତାବକ, ସାଇନାଙ୍କର କରୋନା ରିପୋର୍ଟ ପଜିଟିଭ ନୁହେଁ । ସେ କରୋନା ସଂକ୍ରମିତ ହୋଇଥିବା ନେଇ ଯେଉଁ ରିପୋର୍ଟ ପ୍ରକାଶ ପାଇଥିଲା ତାହା ସମ୍ପୂର୍ଣ୍ଣ ଭୁଲ୍ ।

BREAKING: Saina Nehwal and Kashyap Parupalli have reportedly tested NEGATIVE for Covid19.

They will play the first round matches tomorrow. #YonexThailandOpen

— Badminton Talk (@BadmintonTalk) January 12, 2021

ସୂଚନାଯୋଗ୍ୟ, ଟୁର୍ଣ୍ଣାମେଣ୍ଟ ଖେଳିବାକୁ ସାଇନା ଥାଇଲାଣ୍ଡ ଗସ୍ତରେ ଥିବାବେଳେ ଆଜି ସକାଳେ ସେ କରୋନା ପଜିଟିଭ ଚିହ୍ନଟ ହୋଇଥିବା ନେଇ ଏକ ଖବର ପ୍ରକାଶ ପାଇଥିଲା । ଯାହାପରେ ସେ ଥାଇଲାଣ୍ଡ ଓପନ୍ ଟୁର୍ଣ୍ଣାମେଣ୍ଟରୁ ବାଦ୍ ପଡିପାରନ୍ତି ବୋଲି ଚର୍ଚ୍ଚା ହେଉଥିଲା । ଏପରିକି ସାଇନାଙ୍କୁ ଡାକ୍ତରଖାନାର କ୍ବାରେଣ୍ଟାଇନ ସେଣ୍ଟରରେ ରଖାଯାଇଥିଲା । ତେବେ ୧୦ଦିନ ପାଇଁ ତାଙ୍କୁ କ୍ବାରେଣ୍ଟାଇନରେ ରଖାଯାଇଥିବା ଖବର ମିଳିଥିଲା।

ଖାଲି ଏତିକି ନୁହେଁ ସାଇନା କରୋନା ପଜିଟିଭ୍ ଚିହ୍ନଟ ହେବା ପରେ ତାଙ୍କ ସ୍ବାମୀ ପାରୁପାଲୀ କଶ୍ୟପ ମଧ୍ୟ କାନାଡାର ଜେସନ ଆନ୍ଥୋନୀ ହୋ-ଶୁ ମ୍ୟାଚ୍‌ରୁ ଓହରି ଯାଇଛନ୍ତି । ସାଇନାଙ୍କ ନିକଟତର ଥିବାରୁ କଶ୍ୟପଙ୍କୁ ଆଉ ଏକ ରାଉଣ୍ଡ ପରୀକ୍ଷା ପାଇଁ ଡାକ୍ତରଖାନା ନିଆଯାଇଛି । ତାଙ୍କର ମଧ୍ୟ କରୋନା ରିପୋର୍ଟ ନେଗେଟିଭ ଆସିଥିବା ଯୋଗୁଁ ମ୍ୟାଚ୍ ଖେଳିବା ନେଇ ଏକପ୍ରକାର ସଙ୍କେତ ମିଳିଛି ।