ଦୀପାବଳି ପରେ ଖୋଲିବ କି ବିଦ୍ୟାଳୟ ? ଜାଣନ୍ତୁ କଣ କହିଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ…
ଭୁବନେଶ୍ୱର: ପାର୍ବଣ ପରେ ଖୋଲିପାରେ ବିଦ୍ୟାଳୟ, ଆରମ୍ଭ ହୋଇପାରେ ପାଠପଢ଼ା । ମହାମାରୀ କରୋନା ପାଇଁ ଗତ ମାର୍ଚ୍ଚ ଦ୍ୱିତୀୟ ସପ୍ତାହରୁ ରାଜ୍ୟରେ ସ୍କୁଲ ବନ୍ଦ ରହିଛି । ଏହାରି ଭିତରେ ମାଟ୍ରିକ ଓ ଦ୍ୱାଦଶ ପରୀକ୍ଷା ଅଧାରୁ ବନ୍ଦ ହୋଇ ପରୀକ୍ଷା ହୋଇଥିବା ବିଷୟର ଆଭରେଜ ଅନୁସାରେ ମୂଲ୍ୟାୟନ ହୋଇଥିଲା । ଅନ୍ୟ ଶ୍ରେଣୀ ପରୀକ୍ଷା ହୋଇ ପାରି ନଥିଲା । ତେବେ ପୂଜା ଛୁଟି ଯାଏଁ ସ୍କୁଲ ବନ୍ଦ ରଖିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଥିଲେ । ଏହା ପରେ କୋଭିଡ୍ ସ୍ଥିତି ଅନୁଧ୍ୟାନ କରି ସ୍କୁଲ ଖୋଲିବା ନେଇ ନିଷ୍ପତ୍ତି ନିଆଯିବ ବୋଲି ସେ ସୂଚନା ଦେଇଥିଲେ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଷ୍ପତ୍ତି ଅନୁସାରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି । ଗତ ମାସରେ ସ୍କୁଲ ପରିସର ସଫା କରିବା ସହ ଶିକ୍ଷକମାନଙ୍କୁ ମୁଖ୍ୟାଳୟରେ ରହିବା ପାଇଁ ବିଭାଗୀୟ ନିର୍ଦ୍ଦେଶ ଦିଆଯାଇଥିଲା । ତେବେ ସ୍କୁଲ ଖୋଲିଲେ ଛାତ୍ରଛାତ୍ରଙ୍କୁ ମାସ୍କ ଓ ସାନିଟାଇଜର ପ୍ରଦାନ ସହ ସାମାଜିକ ଦୂରତା ରକ୍ଷା କରି ଶିକ୍ଷାଦାନ ଉପରେ ଗୁରୁତ୍ୱ ଦେଇଛନ୍ତି ଶିକ୍ଷାବିତ୍ ।
