ଆଦିତ୍ୟ ମୃତ୍ୟୁ ମାମଲାରେ ସିବିଆଇ ତଦନ୍ତ ଦାବି କଲେ ସେବାଶ୍ରମ ବନ୍ଧୁ

ଭୁବନେଶ୍ୱର: ଆଦିତ୍ୟ ମୃତ୍ୟୁ ମାମଲାରେ ସିବିଆଇ ତଦନ୍ତ ଦାବି କଲେ ସେବାଶ୍ରମ ବନ୍ଧୁ । ଜିଆରପି ପରେ କ୍ରାଇମବ୍ରାଞ୍ଚର ତଦନ୍ତ ମଧ୍ୟ ଶୀଥିଳ ପଡିଛି । ପିପୁଲ ଫର ସେବା ସମେତ ବିଦ୍ୟାଶ୍ରୀଙ୍କ କଲ୍ ଡିଟେଲ୍ସ ରେକର୍ଡ ଯାଞ୍ଚ କରିବାକୁ ପିପୁଲ ଫର ସେବା ସଂଘ ଦାବି କରିଛି । ସେପଟେ ସିବିଆଇ ତଦନ୍ତ ଓ ସିଡିଆର ଯାଞ୍ଚକୁ ସ୍ୱାଗତ କରିଛନ୍ତି ବିଦ୍ୟାଶ୍ରୀ । ଆଉ ପପୁ, ବିକାଶ ଓ ପିପୁଲ ଫର୍ ସେବାର ସଦସ୍ୟଙ୍କୁ ପଚାରିଛନ୍ତି ପ୍ରଶ୍ନ ।

ମାନବପ୍ରେମୀ ଆଦିତ୍ୟ ଦାସ ମୃତ୍ୟୁ ଏବେ ବି ଏକ ରହସ୍ୟ । ଜିଆରପି ୨୪ ଦିନ, କ୍ରାଇମବ୍ରାଞ୍ଚ ୧୪ ଦିନର ତଦନ୍ତ । ଦେଢ ମାସ ପରେ ମୁହଁ ଖୋଳିଲେ ପପୁ, ବିକାଶ ଓ ସେବାଶ୍ରମର କିଛି ସଦସ୍ୟ । ନ୍ୟାୟ ପାଇଁ ସିବିଆଇ ତଦନ୍ତ ଦାବି କଲେ ସେବାଶ୍ରମର ସାଥୀ । କ୍ରାଇମବ୍ରାଞ୍ଚ ତଦନ୍ତରେ ସନ୍ତୁଷ୍ଟ ନଥିବା ବେଳେ ବିଦ୍ୟାଶ୍ରଙ୍କ ସମେତ ପୁରା ସେବାଶ୍ରମର ୬ ମାସର କଲ୍ ଡିଟେଲ୍ସ ରେକର୍ଡ ଯାଞ୍ଚ କରିବାକୁ ଦାବି ହୋଇଛି । ଏହାପରେ ସବୁ ସତ ସାମ୍ନାକୁ ଆସିବ ବୋଲି ସଂଘ ଦାବି କରିଛି । କେବଳ ସେତିକି ନୁହେଁ ବିଦ୍ୟାଶ୍ରୀ କାହିଁକି ଥାନାରେ ଏତଲା ଦେଇ ନାହାନ୍ତି ବୋଲି ଆଉ ଜଣେ ସଦସ୍ୟ ପ୍ରଶ୍ନ କରିଛନ୍ତି ।

ପିପୁଲ୍ ଫର ସେବା ବନାମ ବିଦ୍ୟାଶ୍ରୀ । ମୃତ୍ୟୁ ମିଷ୍ଟ୍ରିକୁ ନେଇ ଲାଗି ରହିଛି ଆରପୋ-ପ୍ରତ୍ୟାରୋପ । ସିବିଆଇ ତଦନ୍ତ ସପକ୍ଷରେ ମଧ୍ୟ ବିଦ୍ୟାଶ୍ରୀ । ଫ୍ରିଜ୍ ଭିତରେ ମୋବାଇଲ ଓ ଚାବି ନଥିଲା, ବେଡରୁମରେ ମୋବାଇଲ ପଡିଥିଲା । ବିନା ଅନୁମତିରେ ବେଡରୁମର ତାଲା କାହିଁକି ଖୋଲିଥିଲା ପପୁ । ଆଦିତ୍ୟଙ୍କୁ ନଖୋଜି, ଘର କାହିଁକି ଖୋଲିଲେ ବୋଲି ବିଦ୍ୟାଶ୍ରୀ ପଲଟା ପ୍ରଶ୍ନ କରିଛନ୍ତି । ବେଡରୁମରେ ସବୁ କିଛି ପଡିଥିଲା, ସେନେଇ ମୋତେ କାହିଁକି ଜଣାଇଲ ନାହିଁ । ଏପରିକି ସୁଇସାଇଡ୍ ନୋଟର ହସ୍ତାକ୍ଷର ଆଦିତ୍ୟଙ୍କର ନୁହେଁ ବୋଲି ପୁଣିଥରେ ବିଦ୍ୟାଶ୍ରୀ ଦାବି କରିଛନ୍ତି । ଆଦିତ୍ୟଙ୍କ ବାପାକୁ ଏତଲା ଦେବାକୁ ପିପୁଲ ଫର ସେବାର ସଦସ୍ୟ ମାନେ ହିଁ ମନା କରିଥିଲେ । ସେପଟେ ବିଦ୍ୟାଶ୍ରୀ ପ୍ରଶ୍ନର ଉତ୍ତର ରଖିଛନ୍ତି ପପୁ ।

(ଅରୁଣ ସାହୁ)