୬୦ ଗ୍ରାମ୍ ସୁନା ସହ ଲାପଟପ୍ ବ୍ୟାଗ୍ ଫେରାଇଲେ ଆଖୁ ବ୍ୟବସାୟୀ

1 min read
Sugar Cane Business Man Returned Laptop, Gold Ornaments Bag

କେନ୍ଦ୍ରାପଡ଼ା: ଆଖୁ ରସ ବ୍ୟବସାୟୀଙ୍କ ମହାନତା । ଗୁରୁବାର କାର ଯୋଗେ ଭୁବନେଶ୍ୱର ଆସୁଥିଲେ ଶାରଦା ବାବୁ ଓ ତାଙ୍କ ପତ୍ନୀ । ପତିପତ୍ନୀ କେନ୍ଦ୍ରାପଡ଼ା ସାଇଁଲୋ ଗାଁରୁ ଭୁବନେଶ୍ୱର ଆସୁଥିବା ବେଳେ କାର ଡିକି ଠିକରେ ପଡ଼ି ନଥିବାରୁ ବ୍ୟାଗ୍ ଖସି ପଡ଼ିଥିଲା । କାର୍ ପଛରେ ଆସୁଥିବା ଆଖୁ ବ୍ୟବସାୟୀ ସୁବାସ ସେଠୀ ବ୍ୟାଗଟି ପାଇଥିଲେ । ବ୍ୟାଗରେ ପ୍ରାୟ ୬୦ ଗ୍ରାମ ସୁନା ଅଳଙ୍କାର ସହ ଲାପଟପ୍ ରହିଥିଲା । ହେଲେ ଟିକିଏ ବି ଲୋଭ କରିନଥିଲେ ସୁବାସ ।

Sugar Cane Business Man Returned Laptop, Gold Ornaments Bag

କଟକ-ପାରାଦୀପ ରାସ୍ତାର ଜୟପୁର ନିକଟରୁ ସୁବାସ ବ୍ୟାଗ ପାଇ ଶାରଦା ବାବୁଙ୍କ କାରକୁ ପିଛା କରିଥିଲେ । ପ୍ରାୟ ଅଧ ଘଣ୍ଟା କାଳ କାର୍ ପଛେ ପଛେ ୩୦ କିଲୋମିଟର ଆସିବା ପରେ କନ୍ଦରପୁର ନିକଟରେ ଶାରଦାଙ୍କୁ ଭେଟିଥିଲେ । କାର୍ ଡିକିରୁ ବ୍ୟାଗ୍ ଖସି ପଡ଼ିଥିବା ନେଇ ଶାରଦାଙ୍କୁ କହିବା ସହ ବ୍ୟାଗଟିକୁ ଫେରାଇ ଥିଲେ ।

ଏନେଇ ଶାରଦା ବାବୁ ଫେସବୁକରେ ଫଟୋ ପୋଷ୍ଟ କରିବା ସହ ସୁବାସଙ୍କୁ ପ୍ରଶଂସା କରିଛନ୍ତି । ସୁବାସଙ୍କ ଭଳି ସଚ୍ଚୋଟଙ୍କ ପାଇଁ ସେ କାରରୁ ଖସି ପଡ଼ିଥିବା ବ୍ୟାଗ୍ ପାଇଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି ।

Leave a Reply