ଉହାନରେ WHO ଟିମ୍, କରିବେ କରୋନାର ଉତ୍ପତ୍ତି ନେଇ ସନ୍ଧାନ

1 min read

ନୂଆଦିଲ୍ଲୀ: କରୋନା ମହାମାରୀର ଉତ୍ପତ୍ତି ନେଇ ସନ୍ଧାନ କରିବାକୁ ଚୀନର ଉହାନରେ ପହଞ୍ଚିଛନ୍ତି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁ୍ୟଏଚଓ)ର ବିଶେଷଜ୍ଞ ଟିମ୍ । ବିଶ୍ବବ୍ୟାପୀ ମହାମାରୀ ରୂପ ନେଇଥିବା କରୋନା ଭାଇରସ୍‌ର ଉତ୍ପତ୍ତି ସ୍ଥଳ ସମ୍ପର୍କରେ ଏହି ଟିମ୍ ଗବେଷଣା କରିବେ।

ବିଶ୍ବ ସ୍ବାସ୍ଥ୍ୟ ସଂଗଠନର ୧୦ ଜଣିଆ ବିଶେଷଜ୍ଞ ଟିମ୍ ଉହାନରେ ପହଞ୍ଚିବା ପରେ ସେମାନଙ୍କୁ କ୍ବାରେଣ୍ଟାଇନରେ ରଖାଯାଇଛି । ୨ ସପ୍ତାହ ପାଇଁ ବିଶେଷଜ୍ଞ ଟିମ୍‌ କ୍ବାରେଣ୍ଟାଇନରେ ରହିବେ ବୋଳି ସୂଚନା ମିଳିଛି।

ତେବେ ଗତ ମଙ୍ଗଳବାର ଦିନ ଚୀନ୍ ପକ୍ଷରୁ ସୂଚନା ଦିଆଯାଇଥିଲା ଯେ WHOର ବିଶେଷଜ୍ଞ ଟିମ୍ କରୋନା ଭାଇରସର ଉତ୍ପତ୍ତି ସମ୍ପର୍କରେ ଯାଞ୍ଚ କରିବା ଲାଗି ଉହାନ ଗସ୍ତ କରିବେ ।

ଚୀନ ବିଦେଶ ମନ୍ତ୍ରଣାଳୟର ପ୍ରବକ୍ତା ଝାଓୋ ଲିଜିଆନ୍ କହିଥିଲେ ଯେ ଗୁରୁବାର ଦିନ  WHO ବିଶେଷଜ୍ଞ ଟିମ୍ ଉହାନରେ ପହଞ୍ଚିବେ । ତେବେ ଏନେଇ ଅଧିକ ସୂଚନା ଦିଆଯାଇନଥିଲା ।

୨୦୧୯ ମସିହା ଡିସେମ୍ବର ମାସରେ ଚୀନର ଉହାନ ସହରରେ ପ୍ରଥମେ କରୋନା ରୋଗୀ ଚିହ୍ନଟ ହୋଇଥିଲେ । ପରେ ଏହି ସଂକ୍ରମଣ ସାରା ବିଶ୍ବକୁ ବ୍ୟାପିଥିଲା । ଏବେ ସୁଦ୍ଧା ବିଶ୍ବରେ ପ୍ରାୟ ୧୦ କୋଟି ଲୋକ କରୋନା ସଂକ୍ରମିତ ହୋଇଥିବା ବେଳେ ୨୦ଲକ୍ଷରୁ ଊର୍ଦ୍ଧ୍ବ ଲୋକଙ୍କ ଜୀବନ ଯାଇଛି।

Leave a Reply