ଚୋରି ସନ୍ଦେହରେ ମାଡ଼ ମାରିଥିଲେ, ଘରକୁ ଗଲା ପରେ ଜୀବନ ହାରିଲେ ଯୁବକ

ଆସ୍କା: ଚୋରି ସନ୍ଦେହରେ ମାଡ଼ ମାରିଥିଲେ ଗାଁଲୋକେ, ଘରେ ପହଞ୍ଚିବା ପରେ ପ୍ରାଣ ହରାଇଲେ ଯୁବକ। ଏତେ ଲାେକଙ୍କ ସାମ୍ନାରେ ବିନା କୌଣସି ଦୋଷରେ ମୋତେ ମାଡ଼ ମାରିଲେ। ଚୋର କହି ମୋତେ ତିରସ୍କାର କଲେ। ମୁଁ ଆଉ କୋଉ ମୁହଁ ନେଇ ଏ ସମାଜରେ ବଞ୍ଚିବି। ଯଦିବା ବଞ୍ଚିଯାଏ ତେବେ ଯେଉଁମାନେ ମୋ ସହ ଆଜି ଭଲରେ ମିଶୁଛନ୍ତି ସେମାନେ ମୋତେ କାଲି ଚୋର କହି ତାଙ୍କ ସାଙ୍ଗରେ ମିସିବାକୁ ଦେବା ନହିଁ। ତେବେ ଏଭଳିଆ ଜୀବନ ବଞ୍ଚି ବା କିଲାଭ। ଏମିତି କିଛି ଭାବନାକୁ ମନରେ ଗଣ୍ଠିଲି କରି ବୋଧେ ଜୀବନ ହାରିଦେଇଛି ଯୁବକ। ଗଞ୍ଜାମ କବିସୂର୍ଯ୍ୟନଗର ସୁନାପଲ୍ଲୀ ଗାଁରେ ଘଟିଛି ଏଭଳି ଘଟଣା ।

ସୂଚନା ଅନୁଯାୟୀ, ଚୋରି ସନ୍ଦେହରେ ଦୁଇ ଯୁବକଙ୍କୁ ନିସ୍ତୁକ ମାଡ ମାରିଥିଲେ ଉକ୍ତ ଗାଁ ଲୋକେ। ପୋଲିସ ପହଞ୍ଚି ସେମାନଙ୍କୁ ସେଠାରୁ ଉଦ୍ଧାର କରିଥିଲା। ତେବେ ଦୁଇଜଣ ଯୁବକଙ୍କୁ ପୋଲିସ ନେଇ ତାଙ୍କ ଘରେ ଛାଡ଼ିବା ପରେ ଜଣଙ୍କର ମୃତ୍ୟୁ ହୋଇଛି। ମୃତକ ହେଉଛନ୍ତି ପୋଲସରା ରାଣିପଡ଼ା ଗାଁର ଗଙ୍ଗା ତାଣ୍ଡି। ଘଟଣା ନେଇ ପୋଲିସ ତଦନ୍ତ ଆରମ୍ଭ କରିଛି। ଗଞ୍ଜାମ କବିସୂର୍ଯ୍ୟନଗର ଥାନା ଇଲାକା ସୁନାପଲ୍ଲୀ ଗ୍ରାମରେ ଗତ ରାତିରେ ୨ଜଣ ଅଜଣା ଯୁବକ ବୁଲୁଥିବା ଦେଖି ଚୋରି ସନ୍ଦେହ କରି ଗ୍ରାମର କେତେଜଣ ମିଶି ଯୁବକଙ୍କୁ ମାଡ ମାରିଥିଲେ।

Leave a Reply