କେଉଁ ଦେଶର ଯୁବବର୍ଗ ସବୁଠୁ ଅଧିକ ଖୁସି

ନନ୍ଦିଘୋଷ ବ୍ୟୁରୋ: ନିକଟରେ ପ୍ରକାଶ ପାଇଛି ୱାର୍ଲଡ୍ ହାପିନେସ୍ ରିପୋର୍ଟ ୨୦୨୪ । ଏଥିରେ ଫିନଲାଣ୍ଡ ସବୁଠାରୁ ଅଧିକ ଖୁସିରେ ରହୁଥିବା ଲୋକଙ୍କ ଦେଶ ହୋଇଛି । କିନ୍ତୁ ୩୦ ବର୍ଷ ବୟସ ତଳକୁ ଖୁସିରେ ଥିବା ଦେଶ ଭିନ୍ନ ରହିଛି । ତାଲିକା ଷଷ୍ଠ ସ୍ଥାନରେ ଥିଲେ ବି ଯୁବବର୍ଗ ଅଧିକ ଖୁସି ଲିଥ୍ୟୁଆନିଆରେ ରହୁଛନ୍ତି ।  ଇଉରୋପ ମହାଦେଶର ଏକ ଛୋଟିଆ ଦେଶ ଲିଥ୍ୟୁଆନିଆ । ୨୦୨୧ ଜନଗଣନା ଅନୁସାରେ ଏଠାରେ ମୋଟ୍ ଜନସଂଖ୍ୟା ୨୮ ଲକ୍ଷ । ମୋଟ୍ ଜନସଂଖ୍ୟାର ୧୭ ପ୍ରତିଶତ ଯୁବବର୍ଗ ଏଠାରେ ଅଛନ୍ତି । ଦେଶରେ ହିଂସା କମ୍ ରହିବା ସହ ଯୁବବର୍ଗ ଚିନ୍ତାମୁକ୍ତ ଅଛନ୍ତି । କମ୍ ଜନସଂଖ୍ୟା କାରଣରୁ ସେମାନଙ୍କ ଆବଶ୍ୟକତା ପୂରଣ ହୋଇପାରୁଛି । ଆମେରିକା ଓ ଜର୍ମାନୀ ଭଳି ଦେଶ ହାପିନେସ ଇଣ୍ଡେକ୍ସର ଟପ୍ ୨୦ରେ ନାହାନ୍ତି । ଭାରତ ଖୁସି ରହୁଥିବା ଦେଶଙ୍କ ମଧ୍ୟରେ ୧୨୬ରେ ରହିଛି ।