ମୟୂରଭଞ୍ଜ: ଅନ୍ଧବିଶ୍ୱାସରୁ ବୀଭତ୍ସ ହତ୍ଯା। ବୃଦ୍ଧାଙ୍କୁ କୁରାଢୀରେ ହାଣି ହତ୍ଯା କଲା ଯୁବକ । ମୟୂରଭଞ୍ଜ ଜିଲ୍ଲା ବଡ଼ସାହି ଥାନା ନିଶ୍ଚିତପୁର ଗାଁରେ ଘଟିଛି ନିର୍ମମ ହତ୍ଯାକାଣ୍ଡ। ବୃଦ୍ଧାଙ୍କୁ ହାଣି ମୁଣ୍ଡରୁ ଗଣ୍ଡି ଅଲଗା କରିଦେଇଛି ଅଭିଯୁକ୍ତ। ମୃତ ମହିଳା ହେଲେ ୭୨ ବର୍ଷୀୟା ଗୌରୀ ବେହେରା। ଅଭିଯୁକ୍ତ ବାବୁଲି ମହାକୁଡକୁ ଗ୍ରାମବାସୀ ଅଟକ ରଖି ପୋଲିସର ଜିମା ଦେଇଛନ୍ତି।
ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ହତ୍ଯାରେ ବ୍ଯବହୃତ କୁରାଢୀକୁ ଜବତ କରିଛି । ସାଇଣ୍ଟିଫିକ ଟିମ୍ ସହାୟତାରେ ତଦନ୍ତ କରାଯାଉଥିବା ବେଳେ ଅନ୍ଧବିଶ୍ବାସରେ ଆସି ଅଭିଯୁକ୍ତ ହତ୍ଯା କରିଥିବା ସନ୍ଦେହ କରାଯାଉଛି ।
