ଚଳିତ ଟି-୨୦ ବିଶ୍ବକପ ୨୦୨୬ରେ ଓପନିଂ ବ୍ୟାଟ୍ସମ୍ୟାନ ଅଭିଷେକ ଶର୍ମାଙ୍କ ପ୍ରଦର୍ଶନ ବହୁତ ନୈରାଶ୍ୟଜନକ ରହିଛି । ସେ କ୍ରମାଗତ ୩ଟି ମ୍ୟାଚରେ ଶୂନ ରନ କରିବା ପରେ ସୁପର-୮ରେ ଦକ୍ଷିଣ ଆଫ୍ରିକା ବିପକ୍ଷରେ ୧୫ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିଲେ । ତେବେ ଏହା ମଧ୍ୟରେ ଅଭିଷେକଙ୍କୁ ନେଇ ଆସିଛି ଏକ ଖବର । ଏହି ଟୁର୍ଣ୍ଣାମେଣ୍ଟରେ ଅଭିଷେକ ଆହତ ହୋଇଥିଲେ । ମାତ୍ର ଏହି ସତ୍ୟକୁ ଲୋକଲୋଚନକୁ ଅଣଯାଇନଥିଲା । ଏହି ଖବର ସାମ୍ନାକୁ ଆସିବା ପରେ ଏବେ ତାହା ସଭିଙ୍କୁ ଚକିତ ଦେଇଛି ।
ତେବେ ଅଭିଷେକ ଆହତ ହେବା ଖବର ସାମ୍ନାକୁ ଆସିବା ପରେ ତାହା ତାଙ୍କର ଖରାପ ପ୍ରଦର୍ଶନର କାରଣ ବୋଲି କୁହାଯାଉଛି । ଟିମର ଅଫିସିଆଲ ଫଟୋଶୁଟ ସମୟରେ ଅଭିଷେକଙ୍କ ହାତ କଟିଯାଇଥିଲା । ତାହା ଏତେ ଗମ୍ଭୀର ଥିଲା ଯେ, ଷ୍ଟିଚ ଲଗାଇବାକୁ ପଡ଼ିଥିଲା । ମାତ୍ର ଚୋଟକୁ ଖାତିର ନକରି ଅଭିଷେକ ପ୍ରଥମ ମ୍ୟାଚରେ ଆମେରିକା ବିପକ୍ଷରେ ଖେଳିଥିଲେ । ଉକ୍ତ ମ୍ୟାଚରେ ଅଭିଷେକ ଖାତା ଖୋଲି ପାରିନଥିଲେ । ତେଣୁ ଏତେ ବଡ଼ ସମସ୍ୟାକୁ କ’ଣ ପାଇଁ ଲୁଚାଇ ରଖାଯାଇଥିଲା ବୋଲି ଏବେ ପ୍ରଶ୍ନ ଉଠିଛି ।
ଅଭିଷେକ ଦ୍ବିତୀୟ ମ୍ୟାଚରେ ନାମିବ୍ୟା ବିପକ୍ଷରେ ଖେଳିନଥିଲେ । ମାତ୍ର ତା’ର କାରଣ ପେଟ ସଂକ୍ରମଣ ବୋଲି ଦର୍ଶାଇଥିଲେ । ତା’ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ତା’ର କାରଣ ପେଟ ଯନ୍ତ୍ରଣା ବୋଲି କୁହାଯାଇଥିଲା । ତା’ପରେ ସେ ପାକିସ୍ତାନ ବିପକ୍ଷରେ ପଡ଼ିଆକୁ ଫେରିଥିଲେ । ମାତ୍ର ଚୋଟ ଘଟଣା ସଭିଙ୍କୁ ଆଶ୍ଚର୍ଯ୍ୟ କରିଦେଇଥିଲା । ଅଭିଷେକ ବର୍ତ୍ତମାନ ସମୟରେ ଖରାପ ଫର୍ମ ଦେଇ ଗତି କରୁଛନ୍ତି । ସେ ୪ଟି ମ୍ୟାଚରୁ ୧୫ ରନ୍ ସଂଗ୍ରହ କରିଛନ୍ତି । ଏପରି ସ୍ଥିତିରେ ଆହତ ସମସ୍ୟା ହିଁ ତାଙ୍କର ଖରାପ ପ୍ରଦର୍ଶନର କାରଣ ବୋଲି ଫ୍ୟାନ୍ସ ଦାବି କରୁଛନ୍ତି ।
