ଆଉ ନାହାନ୍ତି ବଲିଉଡ ଅଭିନେତା ୟୁସୁଫ ହୁସେନ୍
ଭେଟରନ୍ ବଲିଉଡ ଅଭିନେତା ୟୁସୁଫ ହୁସେନ ଆଉ ନାହାନ୍ତି । ଏଭଳି କଳାକାରଙ୍କ ନିଧନ ମନୋରଞ୍ଜନ ଜଗତର ଏକ ଅପୂରଣୀୟ କ୍ଷତି । କୋଭିଡ କାରଣରୁ ଆଜି ସକାଳେ ୭୩ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି । ଚଳଚ୍ଚିତ୍ର ନିର୍ଦ୍ଦେଶକ ହଂସଲ ମେହତା ନିଜ ସୋସିଆଲ ଆକାଉଣ୍ଟରେ ଏହି ସୂଚନା ଦେଇଛନ୍ତି ।
RIP Yusuf Husain. pic.twitter.com/laP0b1U732
— Hansal Mehta (@mehtahansal) October 29, 2021
ହଂସଲ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ସହିତ ନିଜ ଟ୍ୱିଟରେ ଲେଖିଛନ୍ତିଯେ “ଜଣେ ଚଳଚ୍ଚିତ୍ର ନିର୍ଦ୍ଦେଶକ ଭାବେ ମୋ କ୍ୟାରିୟର ସମ୍ପୂର୍ଣ୍ଣ ଶେଷ ହୋଇଯାଇଥିଲା ଠିକ୍ ଏତିକି ବେଳେ ୟୁସୁଫ ସାହେବ ନିଜେ ଜମା କରିଥିବା ସମସ୍ତ ଟଙ୍କା ଦେଇ ମୋତେ ସାହାର୍ଯ୍ୟ କରିଥିଲେ । ସେ ସମ୍ପର୍କରେ ମୋ ଶଶୁର ହୋଇପାରନ୍ତି ମାତ୍ର, ମୁଁ ତାଙ୍କୁ ପିତାର ସମ୍ମାନ ଦିଏ । ସେ ଆହୁରି ଲେଖିଛନ୍ତିଯେ ଆଜି ସେ ଚାଲିଗଲେ କାରଣ ସ୍ୱର୍ଗରେ ଥିବା ସମସ୍ତ ମହିଳା କେତେ ଯେ ସୁନ୍ଦର ଏବଂ ପୁରୁଷ କେତେ ଯବାନ ବୋଲି ତାଙ୍କୁ କହିପାରିବେ । ମୋର ଏ ନୂଆ ଜୀବନ ପାଇଁ ମୁଁ ସବୁଦିନ ଆପଣଙ୍କ ପାଖରେ ଋୁଣି । ଆଜିଠୁ ମୁଁ ଅନାଥ ପାଲଟିଗଲି । ଆପଣଙ୍କ ବିନା ଜୀବନ ଆଉ ଆଗ ଭଳି ରହିବ ନାହିଁ ।” ଏହି ଟ୍ୱିଟର ରିପ୍ଲାଏରେ ଜଣେ ବ୍ୟକ୍ତି ଲେଖିଛନ୍ତି “ RIP, ଭଗବାନ ଏଭଳି ଲୋକଙ୍କୁ ଆଉ ଏବେ ଗଢ଼ୁନାହାନ୍ତି, ଆପଣଙ୍କ କ୍ଷତି ପାଇଁ ମୁଁ ଦୁଃଖିତ ।” ପୂଜା ଭଟ୍ଟ ରିପ୍ଲାଏରେ ଲେଖିଛନ୍ତି ଏଭଳି ଖବର ଶୁଣି ମୋ ଆଖିରେ ଲୁହ ଆସିଯିବା ସହ ଆପଣଙ୍କ ଦୁଃଖ ଶବ୍ଦରେ ପ୍ରକାଶ କରିବା ଅସମ୍ଭବ ।
