ତରଳୁଛି ଗ୍ଲାସିୟର; ଭାରତ ସମେତ ଏହିସବୁ ରାଷ୍ଟ୍ରକୁ ବିପଦ
ନୂଆଦିଲ୍ଲୀ: ପ୍ରାକୃତିକ ବିପର୍ଯ୍ୟୟରେ ବିଶ୍ବ ବର୍ତ୍ତମାନ ଥରହର ହେଉଥିବା ବେଳେ ଗ୍ଲାସିୟରକୁ ନେଇ ସତର୍କବାଣୀ ଦେଇଛନ୍ତି ଗବେଷକ। ଗ୍ଲାସିୟର ତରଳୁଥିବାରୁ ବିଶ୍ବର ପ୍ରାୟ ୧୫ ନିୟୁତ ଲୋକ ବିପନ୍ନରେ ବୋଲି ଗବେଷଣାରେ କୁହାଯାଇଛି। ଭାରତ, ପାକିସ୍ତାନ, ପେରୁ ଓ ଚୀନବାସୀଙ୍କ ଲାଗି ଏହି ବିପଦ ଅଧିକ ଘନୀଭୂତ ହେଉଛି ବୋଲି କହିଛି ନେଚର କମ୍ୟୁନିକେସନ୍ସ।
ବରଫ ତରଳିବା ଯୋଗୁ ବର୍ତ୍ତମାନ ସୁଦ୍ଧା ୧୫୦ଟି ଗ୍ଲାସିୟରଜନିତ ବନ୍ୟା ସଂଗଠିତ ହେଲାଣି ବୋଲି ରିପୋର୍ଟରେ କୁହାଯାଇଛି । ୧୯୪୧ରେ ପେରୁରେ ହୋଇଥିବା ଗ୍ଲାସିୟରଜନିତ ପ୍ରଳୟଙ୍କରୀ ବନ୍ୟାରେ ପ୍ରାୟ ୬ ହଜାର ଲୋକ ପ୍ରାଣ ହରାଇଥିବାବେଳେ ୨୦୦୦ରେ ବ୍ରିଟିଶ କଲମ୍ବିଆ ଓ କାନାଡାରେ ପ୍ରାୟ ୧୦୦ ମିଟର ଉଚ୍ଚତାର ସୁନାମି ଆସିଥିଲା । ଗତ ୨୦୧୭ରେ ନେପାଳରେ ବି ଗ୍ଲାସିୟରଜନିତ ବନ୍ୟା ଆସିଥିଲା । ୨୦୧୩ରେ ଭାରତରେ ଗ୍ଲାସିୟର ତରଳିବାଜନିତ ବନ୍ୟା ଓ ପ୍ରବଳ ବର୍ଷା ଯୋଗୁ ସହସ୍ରାଧିକ ଲୋକ ପ୍ରାଣ ହରାଇଥଲେ । ୨୦୨୧ରେ ବି ସମଧରଣର ବିପଦ ସୃଷ୍ଟି ହୋଇଥିଲା।
