ଯାଜପୁର: ଯାଜପୁର ଜିଲ୍ଲା ବଡ଼ଚଣା ବିଜେଡି ପ୍ରାର୍ଥୀ ବର୍ଷା ପ୍ରିୟଦର୍ଶିନୀଙ୍କ ବଢୁଛି ଲୋକପ୍ରିୟତା। ବର୍ଷା ପ୍ରିୟଦର୍ଶିନୀ ବିଭିନ୍ନ ସ୍ଥାନରେ କର୍ମୀ ସମାବେଶ ଓ ଘର ଘର ବୁଲି ଭୋଟ ଭିକ୍ଷା କରୁଛନ୍ତି। ବଡ଼ଚଣା ଓ ଖଇରା ପଞ୍ଚାୟତରେ ବର୍ଷାଙ୍କ ରୋଡ଼ ଶୋ’ ଅନୁଷ୍ଠିତ ହୋଇଥିଲା। ଏଥିରେ ଯାଜପୁର ସାଂସଦ ପ୍ରାର୍ଥୀ ଶର୍ମିଷ୍ଠା ସେଠୀ ରୋଡ଼ ଶୋ ଜରିଆରେ ପ୍ରଚାର କରିଥିଲେ। ବିଭିନ୍ନ ସ୍ଥାନରେ ମହିଳା ମାନେ ବିଧାୟକ ଓ ସାଂସଦ ପ୍ରାର୍ଥୀଙ୍କୁ ସ୍ୱାଗତ କରିଥିଲେ। ବିଭିନ୍ନ ସ୍ଥାନରେ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା।
ଅଭିନେତ୍ରୀ ତଥା ବିଧାୟକ ପ୍ରାର୍ଥୀ ବର୍ଷା ପ୍ରିୟଦର୍ଶିନୀଙ୍କୁ ଦେଖିବା ପାଇଁ ସବୁଠି ପ୍ରବଳ ଭିଡ଼ ଦେଖିବାକୁ ମିଳୁଛି। ବଡ଼ଚଣା ବ୍ଲକ ବିଜେଡି ସଭାପତି, ଯାଜପୁର ଜିଲ୍ଲା ପରିଷଦ ଉପାଧ୍ୟକ୍ଷ ଓ ବଡ଼ଚଣା ବିଜେଡିର ସମସ୍ତ ନେତୃବୃନ୍ଦ ଉପସ୍ଥିତ ଥିଲେ। ଯେଉଁଭଳି ଜନ ସମାଗମ ହେଉଛି ଲୋକଙ୍କ ଭଲ ପାଇବା ମିଳୁଛି ବିଜେଡି ବହୁ ସଫଳତା ପାଇବ ବୋଲି ଶର୍ମିଷ୍ଠା କହିଛନ୍ତି।
