ନନ୍ଦିଘୋଷ ବ୍ୟୁରୋ : ଯାଜପୁର ଜିଲା ଦଶରଥପୁର ବ୍ଲକ ରଙ୍ଗପୁର ପଡିଆରେ ସାରଥି ପରିବାର ପକ୍ଷରୁ ଏକ ସତସଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ପ୍ରବଚକ ଭାବେ ବାଲେଶ୍ୱର ସୋରୋ ଅଞ୍ଚଳରୁ ରତିକାନ୍ତ ପାଣି ଯୋଗ ଦେଇ ପ୍ରବଚନ ଦେଇଥିଲେ। ଏହି ପ୍ରବଚନ କାର୍ଯ୍ୟକ୍ରମରେ ଜିଲ୍ଲା ତଥା ଜିଲ୍ଲା ବାହାରୁ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ଏହାସହ ନିଶୁଳ୍କ ସ୍ୱାସ୍ଥ୍ୟ ସେବା ମଧ୍ୟ ସାରଥି ପରିବାର ପକ୍ଷରୁ ଯୋଗାଇ ଦିଆଯାଇଥିଲା । ଏହି ସତସଙ୍ଗ କାର୍ଯ୍ୟକ୍ରମ ଯୋଗୁ ସମଗ୍ର ଅଞ୍ଚଳରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ଦୀର୍ଘ ବର୍ଷ ପରେ ସାରଥିଙ୍କ ପ୍ରତି ରହିଥିବା ଭଲ ପାଇବା ଦେଖିବାକୁ ମିଳିଥିଲା। ଧିରେ ଧିରେ ଏହି ଭଳି ପ୍ରବଚନ କାର୍ଯ୍ୟକ୍ରମ ସମଗ୍ର ଜିଲ୍ଲାରେ ଅନୁଷ୍ଠିତ ହେବ ବୋଲି ସାରଥିଙ୍କ ସମର୍ଥକ ମାନଙ୍କ ପକ୍ଷରୁ ସୂଚନା ମିଳିଛି।
