ମହଙ୍ଗା ପଡିଲା ଆକ୍ରମଣ, ୟୁପି ମନ୍ତ୍ରୀ ନନ୍ଦ ଗୋପାଳ ଗୁପ୍ତା ନନ୍ଦୀଙ୍କୁ ୧ ବର୍ଷ ଜେଲ ଦଣ୍ଡ

ଲକ୍ଷ୍ନୌ: ମହଙ୍ଗା ପଡିଲା ଆକ୍ରମଣ । ଉତ୍ତର ପ୍ରଦେଶର ମନ୍ତ୍ରୀ ନନ୍ଦ ଗୋପାଳ ଗୁପ୍ତା ନନ୍ଦୀଙ୍କୁ ୧ ବର୍ଷ ଜେଲଦଣ୍ଡ । ଦଣ୍ଡାଦେଶ ଦେଇଛନ୍ତି ଉତ୍ତରପ୍ରଦେଶ ପ୍ରୟାଗରାଜର ଜିଲ୍ଲା କୋର୍ଟ । ୨୦୧୪ରେ ନିର୍ବାଚନ ରାଲିରେ ସମାଜବାଦୀ ପାର୍ଟିର ଜଣେ କର୍ମୀଙ୍କୁ ଆକ୍ରମଣ ଅଭିଯୋଗରେ ତାଙ୍କ ନାମରେ ମାମଲା ରୁଜୁ ହୋଇଥିଲା । ସେତେବେଳେ ନନ୍ଦ ଗୋପାଳ କଂଗ୍ରେସରେ ଥିଲେ । ମାମଲାର ବିଚାର କରି ସ୍ବତନ୍ତ୍ର ଏମପି-ଏମଏଲଏ କୋର୍ଟ ଆଇପିସିର ଧାର ୧୪୭ ଓ ଧାରା ୩୨୩ ଅନୁସାରେ ନନ୍ଦ ଗୋପାଳଙ୍କୁ ଏହି ଦଣ୍ଡାଦେଶ ଦେଇଛନ୍ତି ।

ଜେଲ ଦଣ୍ଡାଦେଶ ପାଇବା ପରେ ନନ୍ଦଗୋପାଳଙ୍କୁ ଜାମିନ ମିଳିଛି । ଫଳରେ ସେ ଉପର କୋର୍ଟରେ ଏନେଇ ଆବେଦନ କରିପାରିବେ । ତତକାଳୀନ ସମାଜବାଦୀ ପାର୍ଟି ସରକାର ତାଙ୍କ ବିରୋଧରେ ମିଛ ମାମଲା ରୁଜୁ କରିଥିଲା ବୋଲି କହିଥିଲେ ନନ୍ଦ ଗୋପାଳ ।