ସରକାରଙ୍କୁ ଘାରିଛି ଦଶମରେ ଡ୍ରପଆଉଟ ଚିନ୍ତା

ସରକାରଙ୍କୁ ଘାରିଛି ଦଶମରେ ଡ୍ରପଆଉଟ ଚିନ୍ତା । ଏହାକୁ ରୋକିବାକୁ ଡ୍ରପଆଉଟ୍ ନେଇ ଗଣ ଶିକ୍ଷା ବିଭାଗ ପକ୍ଷରୁ ସର୍ଭେ କରାଯାଇଛି । ଚାଇଲ୍ଡ ଟ୍ରାକିଂ ସର୍ଭେ ବି ଚାଲିଛି । ଡୋର ଟୁ ଡୋର ଯାଇ ଶିକ୍ଷକମାନେ ସର୍ଭେ କରିଛନ୍ତି । ସେହି ସର୍ଭେ ରିପୋର୍ଟ ଆସିଲା ପରେ ପଦକ୍ଷେପ ନେବେ ସରକାର । ଗତ ଶିକ୍ଷା ବର୍ଷରେ ଏହା ଉପରେ ଅଂକୁଶ ଲାଗିପାରି ନଥିଲା ।

ଗତବର୍ଷ ୭,୬୮୨ ପିଲା ଅଧାରୁ ପାଠ ଛାଡ଼ିଥିଲେ । ଏଥିସହ ୨୦୨୪-୨୫ ମସିହାରେ ପ୍ରାଥମିକ ଶ୍ରେଣୀରେ ୨, ୨୯୯ ପିଲା ଅଧାରୁ ପାଠ ଛାଡ଼ିଥିଲେ । ଷଷ୍ଠ ଶ୍ରେଣୀରୁ ଅଷ୍ଟମ ଶ୍ରେଣୀର ପର୍ଯ୍ୟନ୍ତ ୧,୧୯୮ ପିଲା ଅଧାରୁ ପାଠ ଛାଡ଼ିଥିଲେ । ସେହିପରି ନବମରୁ ଦଶମ ଶ୍ରେଣୀ ମଧ୍ୟରେ ୧,୪୪୬ ପିଲା ଅଧାରୁ ପାଠ ଛାଡ଼ିଥିବା ବେଳେ ପରବର୍ତ୍ତୀ ସମୟରେ ସେମାନଙ୍କ ମଧ୍ୟରୁ ୪୮୧ ପିଲା ସ୍କୁଲ ଫେରିଥିଲେ । ମାତ୍ର ୨୮ ଟି ଜିଲ୍ଲା ୯୬୫ ପିଲା ବିଦ୍ୟାଳୟ ଆସୁନାହାନ୍ତି । ମାଟ୍ରିକରେ ଫର୍ମ ଫିଲଅପ୍ କରି ୮୩୬୨ ପିଲା ପରୀକ୍ଷା ଦେଇ ପାରି ନଥିଲେ । ଏହାର ପ୍ରକୃତ କାରଣ ଖୋଜି ଶିକ୍ଷା ଉପଯୋଗୀ ବାତାବରଣ ସୃଷ୍ଟି କରିବାକୁ ଅଭିଭାବକ ଦାବି କରିଛନ୍ତି ।