ନନ୍ଦିଘୋଷ ବ୍ୟୁରୋ : ଆଜି ୧୨ ଘଣ୍ଟିଆ ଢେଙ୍କାନାଳ ବନ୍ଦ ପାଳନ। ସକାଳ ୬ ଟାରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଏହି ବନ୍ଦ ଡାକରା ଦିଆଯାଇଛି। TPCODLର ମନମୁଖୀ କାର୍ଯ୍ୟ ଶୋଷଣ ବିରୁଦ୍ଧରେ ଏହି ବନ୍ଦ ଡାକରା ଦିଆଯାଇଛି।ଜିଲ୍ଲା ଓକିଲ ସଂଘ ଆହ୍ବାନ କ୍ରମେ ଏହି ବନ୍ଦ ଡାକରା ଦେଇଛି ବିଦ୍ୟୁତ୍ ଉପଭୋକ୍ତା କ୍ରିୟାନୁଷ୍ଠାନ କମିଟି। ବିଭିନ୍ନ ରାଜନୈତିକ ଦଳ, ଅନୁଷ୍ଠାନ ଓ ସଂଗଠନ ତଥା ବୁଦ୍ଧିଜୀବି ଓ ସହରବାସୀ ଏହାକୁ ସମର୍ଥନ ଜଣାଇଛନ୍ତି।ଏହି ବନ୍ଦ ଡାକରାରେ ସମସ୍ତ ବ୍ୟବସାୟିକ ପ୍ରତିଷ୍ଠାନ, ସରକାରୀ ବେସରକାରୀ କାର୍ଯ୍ୟାଳୟ ବେସରକାରୀ ସ୍କୁଲ କଲେଜ ଆଦି ବନ୍ଦ ରହିଛି।ଟାଟା ପାୱାର TPCODL ଜୋର ଜବରଦସ୍ତ ସ୍ମାର୍ଟ୍ ମିଟର ଲଗାଇବା, ଅଯଥା ଫାଇନ ଆଦାୟ, ଅଘୋଷିତ ବିଦ୍ୟୁତ କାଟ ଓ TPCODL ଭିତ୍ତିଭୁମିକୁ ସୁଦୃଢ ନକରିବା ଆଦି ପ୍ରତିବାଦରେ ଏହି ବନ୍ଦ ପାଳନ କରାଯାଉଛି।ସକାଳୁ ଶତାଧିକ ସଂଖ୍ୟାରେ ଆଇନଜୀବୀ ଓ ଜନ ସାଧାରଣ ଢେଙ୍କାନାଳ ମୁଖ୍ଯ ଷ୍ଟେସନ ନିକଟରେ ପହଞ୍ଚି ରେଳ ରୋକ କରିଥିଲେ।ପରେ NH 55 ଜାତୀୟ ରାଜପଥ ଅବରୋଧ କରିଥିଲେ। ବନ୍ଦ ପାଳନ ଯୋଗୁଁ ବିଭିନ୍ନ ସ୍ଥାନରେ ହଜାର ହଜାର ଗାଡି ଅଟକି ରହିଛି।
