ଭୁବନେଶ୍ୱର: ରିମାଣ୍ଡର ଦ୍ବିତୀୟ ଦିନରେ ଆଇବି ବୁଖାରୀକୁ ଜେରା କରୁଛି। ସାମ୍ନାକୁ ଆସିଲା ସୟଦ ଈଶାନ ବୁଖାରୀର ସଂଘାତିକ ଷଡଯନ୍ତ୍ର। ଅନଲାଇନରେ ନ୍ୟୁଡ୍ ଭିଡିଓ କଲ କରି କରୁଥିଲା ଟଙ୍କା ରୋଜଗାର। ଖାଲି ସେତିକି ନୁହେଁ, ବୁଖାରୀ ନିଜେ କରିଥିଲା ଗୋଟିଏ ଆପ। ଏହି ଆପରେ କିଛି ଯୁବତୀଙ୍କ ସହ ଯୋଗାଯୋଗ ରଖିଥିଲା। ଯେଉଁ ମାନେ ନ୍ୟୁଡ କଲରେ ସାମିଲ ହେଉଥିଲେ, ସେମାନଙ୍କ ଠାରୁ ମୋଟା ଅଙ୍କର କମିଶନ ନେଉଥିଲା।
ଓଡ଼ିଶାର ଦୁଇ ଜଣ ଯୁବତୀଙ୍କ ସହ ମଧ୍ୟ ବୁଖାରୀର ସମ୍ପର୍କ ଥିଲା। ଏହାଛଡ଼ା ୯ଟି ବ୍ୟାଙ୍କରେ ତାର ଆକାଉଣ୍ଟ ରହିଛି। ଇଣ୍ଡସ ଇଣ୍ଡ ବ୍ୟାଙ୍କ୍, IDBI Bank, SBI, j&k ବ୍ୟାଙ୍କ୍, Axis Bank, Central Bank, IDFC, ବ୍ୟାଙ୍କ୍ ଅଫ ବରୋଦାରେ ରହିଛି ବୁଖାରୀର ଆକାଉଣ୍ଟ। ସେଥିରୁ ମିଳିଛି କୋଟି ଟଙ୍କାର କାରବାର। ଯୁବତୀଙ୍କ ସହ ସମ୍ପର୍କ ରଖି ହନିଟ୍ରାପରେ ବ୍ୟବହାର କରୁଥିବା କିଛି ତଥ୍ୟ ଯୋଗାଉଥିବା ମଧ୍ୟ ସନ୍ଦେହ କରୁଛି STF ।
