କଟକ ସିରିଜ ଚୋରି ଘଟଣାର ପର୍ଦ୍ଦାଫାଶ; ୪ ଲୁଟେରା ଗିରଫ

କଟକ: କଟକ ବିଡାନାସି ଚହଁଟାରେ ସିରିଜ ଚୋରି ଘଟଣାର ପର୍ଦ୍ଦାଫାଶ ହୋଇଛି। ଏହି ଘଟଣାରେ ବିଡାନାସି ପୋଲିସ ୪ ଜଣ ଲୁଟେରାଙ୍କୁ ଗିରଫ କରିବାରେ ସଫଳ ହୋଇଛି। ସେମାନଙ୍କ ନିକଟରୁ ୮ ଲକ୍ଷ ଟଙ୍କାର ସୁନା ଅଳଙ୍କାର ଓ ୧୫ ହଜାର ଟଙ୍କାର ଏକ ବୋଲେରୋ ଜବତ କରାଯାଇଛି। ଏନେଇ କଟକ ଡିସିପି ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।

ଏହି ଲୁଟେରା ମାନଙ୍କ ନାଁରେ ସହରର ଏକାଧିକ ଥାନାରେ ମାମଲା ରହିଛି।  ଲୁଟେରାଙ୍କ ସମ୍ପର୍କରେ ଖବର ଦେବା ବ୍ୟକ୍ତିଙ୍କ ନାଁ ଗୋପନ ରଖାଯିବା ସହ ତାଙ୍କୁ ପୁରସ୍କୃତ କରାଯିବ ବୋଲି କଟକ ଡିସିପି ପୂର୍ବରୁ ଘୋଷଣା କରିଥିଲେ। ତେବେ ଏକ ସିସିଟିଭି ଫୁଟେଜ ଆଧାରରେ ପୋଲିସ ୪ ଲୁଟେରାଙ୍କୁ କାବୁ କରିଥିବା ଜଣାପଡିଛି ।