ଭୁବନେଶ୍ବର: ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଚାଲିଥିବା ୪୮ତମ ଜାତୀୟ ଜୁନିୟର ଆକ୍ବାଟିକ ଚାମ୍ପିଅନସିପ୍ ଉଦଯାପିତ। ବିଜୁ ପଟ୍ଟନାୟକ ସୁଇମିଙ୍ଗପୁଲ କମ୍ପ୍ଲେକ୍ସରେ ୧୬ ତାରିଖରୁ ଚାଲିଥିଲା ଏହି ପ୍ରତିଯୋଗିତା। ଏଥିରେ ସର୍ବାଧିକ ୭୮ଟି ପଦକ ସହ ମେଡାଲ ତାଲିକାରେ ପ୍ରଥମ ସ୍ଥାନ ଅଧିକାର କରିଛି କର୍ଣ୍ଣାଟକ।
ସେହିପରି ୪୨ ପଦକ ସହ ମହାରାଷ୍ଟ୍ର ଦ୍ବିତୀୟ ଏବଂ ୧୭ ପଦକ ସହ ତେଲେଙ୍ଗାନା ତୃତୀୟ ସ୍ଥାନରେ ରହିଛି। ତେବେ ଓଡ଼ିଶାକୁ କୌଣସି ପଦକ ମିଳିନାହିଁ । ଦେଶରୁ ୮୫୩ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ସୁଇମିଙ୍ଗରେ ୨୫୪ ଜଣ ବାଳିକା ପ୍ରତିଯୋଗୀଙ୍କୁ ମିଶାଇ ମୋଟ ୫୨୮ ଜଣ ଓ ଓ୍ବାଟର୍ ପୋଲୋରେ ୧୦୫ ଜଣ ବାଳିକା ପ୍ରତିଯୋଗୀଙ୍କୁ ମିଶାଇ ମୋଟ ୩୨୫ ଜଣ ଭାଗ ନେଇଥିଲେ ।
ଅପରପକ୍ଷେ ଓଡିଶାରୁ ୧୨ ଜଣ ବାଳକ ଓ ୮ ଜଣ ବାଳିକା ସମେତ ଥିଲେ ୨୦ ଜଣ ପ୍ରତିଯୋଗୀ ରହିଥିଲେ। ଉଦଯାପନୀ ଉତ୍ସବରେ ପ୍ରସିଦ୍ଧ ଅଭିନେତା ଆର. ମାଧବନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।
