୨୦ ବର୍ଷର ବୈଧତା ସହ ଆଜି ୫-ଜି ସ୍ପେକ୍ଟ୍ରମ୍ ନିଲାମୀ
1 min read
ନୂଆଦିଲ୍ଲୀ: ଆଜି ୫-ଜି ସ୍ପେକ୍ଟ୍ରମ୍ ନିଲାମ । ୨୦ ବର୍ଷର ବୈଧତା ଅବଧି ସହ ମୋଟ ୭୨ ହଜାର ୯୭ ଦଶମିକ ୮୫ ମେଗାହର୍ଜ ସ୍ପେକ୍ର୍ଟମର ନିଲାମ ପ୍ରକ୍ରିୟା ହେବ । ଚଳିତଥର ୫-ଜି ନିଲାମରେ ୪.୩ ଲକ୍ଷ କୋଟି ଟଙ୍କାର ୭୨,୦୯୭.୮୫ ମେଗାହର୍ଜ ସ୍ପେକ୍ଟ୍ରମ ନିଲାମ କରାଯିବ। ଏଥିରେ ସରକାର ୬୦୦ ମେଗାହର୍ଜ୍ଜ , ୭୦୦ ମେଗାହର୍ଜ୍ଜ ଏବଂ ୩୩୦୦ ମେଗାହର୍ଜ୍ଜ ସହିତ ଅନେକ ବ୍ୟାଣ୍ଡରେ ବିକ୍ରି ପାଇଁ ୫ଜି ଏୟାରୱେଭ୍ ରଖାଯାଇଛି।ନିଲାମ ନିମ୍ନ, ମଧ୍ୟମ ଓ ହାଇ ଫ୍ରିକ୍ବେନସି ବ୍ୟାଣ୍ଡରେ ହେବ ।
୫ଜି ସ୍ପେକ୍ଚ୍ରମ ଦ୍ୱାରା ୪ଜି ଠାରୁ ଦଶଗୁଣା ଅଧିକ ଫାଷ୍ଟ ସର୍ଭିସ ମିଳିବ । ଦୂରସଞ୍ଚାର କ୍ଷେତ୍ରର ୩ ଘରୋଇ କମ୍ପାନୀ ଜିଓ, ଏୟାରଟେଲ ଓ ଭୋଡାଫୋନ ଆଇଡିଆ ନିଲାମରେ ଅଂଶଗ୍ରହଣ କରିବାକୁ ମଧ୍ୟ ଆବେଦନ କରିଛନ୍ତି । ଏଥିରେ ଚତୁର୍ଥ ଆବେଦନକାରୀ ଭାବେ ଆଦାନୀ ଗ୍ରୁପ ରହିଛି। ଆଦାନୀ ଗ୍ରୁପ ନିକଟରେ ଲଙ୍ଗ ଡିଷ୍ଟାନ୍ସ ଏନଏଲଡି ଓ ଇଣ୍ଟରନ୍ୟାସନାଲ ଲଙ୍ଗଡିଷ୍ଟାନ୍ସ ଆଇଏନଏଲଡି ଲାଗି ଲାଇସେନ୍ସ ହାସଲ କରିସାଛନ୍ତି। ହାସଲ ସ୍ପେକ୍ଟ୍ରମକୁ ଆଦାନୀ ଗ୍ରୁପ ବିମାନ ବନ୍ଦରଠାରୁ ଆରମ୍ଭ କରି ନିଜର ବ୍ୟବସାୟ କ୍ଷେତ୍ରରେ ଏକ ଘରୋଇ ନେଟୱାର୍କ ରୂପେ ବ୍ୟବହାର କରିବ ବୋଲି କହିଛି ।
ଏଥିସହିତ ପଢ଼ନ୍ତୁ: ସରକାର ଜାଣନ୍ତିନି ସ୍ୱିସ୍ ବ୍ୟାଙ୍କରେ ଭାରତୀୟଙ୍କ କେତେ ଟଙ୍କା ରହିଛି
