ଜଗତସିଂହପୁରରେ 5T ସଚିବ, ବଦଳିବ ମନ୍ଦିରର ରୂପରେଖ

ଜଗତସିଂହପୁର: ରୂପାନ୍ତରଣ ଅଧ୍ୟାୟରେ ଯୋଡ଼ିହେଉଛି ଜଗତସିଂହପୁର। ସକାଳୁ ସକାଳୁ 5T ସଚିବ ଭିକେ ପାଣ୍ଡିଆନଙ୍କ ମାରାଥନ ସମୀକ୍ଷା। ସାରଳା ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିଛନ୍ତି 5T ସଚିବ। ସାରଳା ମନ୍ଦିର ରୂପାନ୍ତରଣ କାର୍ଯ୍ୟ ଚାଲିଥିବାବେଳେ ଏହାର ଅଗ୍ରଗତି ନେଇ ସମୀକ୍ଷା କରିଛନ୍ତି ସଚିବ। ଏଥିସହିତ ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ବୁଲି ଅନୁଧ୍ୟାନ କରିଛନ୍ତି। ପରେ ସ୍ଥାନୀୟ ବାସିନ୍ଦା ଓ ମିଶନ ଶକ୍ତିର ମାଆମାନଙ୍କ ସହ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ।

ସେହିପରି ଜଗତସିଂହପୁରର ବାବା ଗୋରେଖନାଥ ମନ୍ଦିରରେ ପହଞ୍ଚି ସମୀକ୍ଷା କରିଛନ୍ତି 5T ସଚିବ। ସେଠାରେ ପୂଜାର୍ଚ୍ଚନା କରିବା ପରେ ମନ୍ଦିର ଚାରପାଖ ବୁଲି ଅନୁଧ୍ୟାନ କରିଥିଲେ। ପୀଠର ନବକଳେବର ନେଇ ସ୍ଥାନୀୟବାସିନ୍ଦା, ସେବାୟତ ଓ ଜନ ପ୍ରତିନିଧିଙ୍କ ସହ ଆଲୋଚନା କରିଛନ୍ତି ଫାଇଭ-ଟି ସଚିବ। ଖୁବଶୀଘ୍ର ମନ୍ଦିରର ନବକଳେବର ନେଇ ପଦକ୍ଷେପ ନିଆଯିବ ବୋଲି ସେ ପ୍ରତିଶ୍ରୁତି ମଧ୍ୟ ଦେଇଛନ୍ତି।