କାନାଡାରେ ବିମାନ ଦୁର୍ଘଟଣାରେ ୬ ମୃତ, ଜଣେ ଗୁରୁତର

ବ୍ୟୁରୋ ରିରୋର୍ଟ: କାନାଡାରେ ବିମାନ ଦୁର୍ଘଟଣା। ଏଥିରେ ୬ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। କାନାଡାର ଦକ୍ଷିଣ ପ୍ରାନ୍ତରେ ଥିବା ଖଣି ଅଞ୍ଚଳକୁ ଏକ ଘରୋଇ ବିମାନ ଯୋଗେ ଯାଉଥିଲେ ଖଣି କର୍ମଚାରୀ। ବିମାନ ଉଡାଣର କିଛି ସମୟ ପରେ ଦୁର୍ଘଟଣାଗ୍ରସ୍ତ ହୋଇଥିଲା। ବିମାନଟି କାନାଡାର ନର୍ଥୱେଷ୍ଟର୍ଣ୍ଣ ଏୟାର କମ୍ପାନୀର ଥିବା ଜଣାପଡିଛି। କାନାଡାର ଫୋର୍ଟସ୍ମିଥ ନିକଟରେ ଘଟିଛି ଏ ଘଟଣା ।

ବିମାନରେ ମୋଟ ୭ ଜଣ ଥିଲେ । ୬ ଜଣଙ୍କର ଦୁର୍ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି। ତୁରନ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣାର କାରଣ ଅସ୍ପଷ୍ଟ ରହିଛି। ଘଟଣାର ଛାନଭିନ ଲାଗି ଏକ ତଦନ୍ତକାରୀ ଟିମ୍ ଗଠନ କରାଯାଇଛି । କାନାଡାର ଟ୍ରାନ୍ସପୋର୍ଟେସନ ସେଫଟି ବୋର୍ଡ ଏହି ତଦନ୍ତ କମିଟି ଗଠନ କରି ତଦନ୍ତ ଆରମ୍ଭ କରିଛି ।