କିନ୍ନରଙ୍କ ଧଳା ଜହର ବେପାର, ୭୨ ଗ୍ରାମ୍ ବ୍ରାଉନ୍ ସୁଗର ଜବତ

ବାଲେଶ୍ୱର: ବ୍ରାଉନ୍ ସୁଗର ବ୍ୟବସାୟରେ ଏବେ ମୋହରା ସାଜିଛନ୍ତି କିନ୍ନର । ପୋଲିସ, ସ୍ବତନ୍ତ୍ର ସ୍କ୍ୱାର୍ଡ ଚଢାଉ ପରେ ବ୍ୟବସାୟୀ ମାନେ ନୂଆ ତରିକାରେ ଚଳାଇଛନ୍ତି ଧଳା ଜହର ବ୍ୟବସାୟ । ବାଲେଶ୍ବର ଜିଲ୍ଲା ଶିଳ୍ପାଞ୍ଚଳ ଥାନା ପୋଲିସ ତେନ୍ତୁଳିଆ ଠାକୁରାଣୀ ଛକରୁ ଜଣେ କିନ୍ନରଙ୍କୁ ଗିରଫ କରିବା ସହିତ ତାଙ୍କ ନିକଟରୁ ୭୨ ଗ୍ରାମ୍ ବ୍ରାଉନ୍ ସୁଗର ଜବତ କରାଯାଇଛି ।

ଗିରଫ ଅଭିଯୁକ୍ତ ହେଲେ ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟ ପାଟଣାସାହିର ରାକ୍ଷୀ କିନ୍ନର । ରାକ୍ଷୀଙ୍କ ଠାରୁ ଜବତ ହୋଇଥିବା ବ୍ରାଉନ୍ ସୁଗରର ଆନୁମାନିକ ବଜାର ମୂଲ୍ଯ ୭୦ ହଜାରରୁ ଅଧିକ ଟଙ୍କା ବୋଲି କୁହାଯାଉଛି। ରାକ୍ଷୀ କିନ୍ନର ଏହି ବ୍ରାଉନ୍ ସୁଗର ଖୋର୍ଦ୍ଧାକୁ ନେଇ ଯାଉଥିବାବେଳେ ପୋଲିସ ଚଢାଉ କରିଥିଲା । ଅଭିଯୁକ୍ତଙ୍କ ନିକଟରୁ ୩ ଶହ ଟଙ୍କା, ମୋବାଇଲ୍ ମଧ୍ଯ ଜବତ କରିଛି ପୋଲିସ ।