ମ୍ୟାଟ୍ରିମୋନିଆଲ୍ ସାଇଟରେ ବର ଖୋଜୁଥିଲେ ୭୩ ବର୍ଷର ବୃଦ୍ଧା, ମିଳିଲେ ୬୯ ବୟସ୍କ

ମୟସୁରୁ: ବୟସ ୭୩ । ଏକୁଟିଆ ବଞ୍ଚିବାକୁ ଚାହୁଁନଥିଲେ କର୍ଣ୍ଣାଟକ ମୟସୁରୁର ୭୩ ବର୍ଷିଅ ବୃଦ୍ଧା । ଶିକ୍ଷକତାରୁ ଅବସର ନେବା ପରେ ବୃଦ୍ଧା ଜଣଙ୍କ ଏକ ମ୍ୟାଟ୍ରିମୋନିଆଲ ସାଇଟରେ ବ୍ରାହ୍ଣଣ ବର ପାଇଁ ବିଜ୍ଞାପନ ଦେଇଥିଲେ । ବିଜ୍ଞାପନ ଦେଖି ଆଗ୍ରହ ପ୍ରକାଶ କରିଥିଲେ ୬୯ ବର୍ଷିଅ ଅବସରପ୍ରାପ୍ତ ଇଞ୍ଜିନିୟର ।

ମହିଳା ଜଣଙ୍କ ଜୀବନର ଶେଷ ସମୟରେ ଏକୁଟିଆ ରହିବାକୁ ଚାହୁଁନଥିଲେ । ସେଥିପାଇଁ ସେ ଜଣେ ଜୀବନ ସାଥୀଙ୍କ ସହ ବଳକା ଜୀବନ ବିତାଇବାକୁ ଚାହୁଁନଥିଲେ । ଦେଇଥିବା ବିଜ୍ଞାପନ ଅନୁସାରେ, ସେ ଜଣ ସୁସ୍ଥ ବ୍ରାହ୍ଣଣ ବ୍ୟକ୍ତିଙ୍କ ସନ୍ଧାନରେ ଥିଲେ । ଯିଏ କି ବୟସରେ ତାଙ୍କ ଠାରୁ ବଡ଼ ହୋଇଥିବେ ।

ଏଥିସହ ମହିଳା ଜଣଙ୍କ ଲେଖିଥିଲେ- ମୋର ପ୍ରଥମ ବିବାହ ଛାଡ଼ପତ୍ର ଯୋଗୁଁ ବିଚ୍ଛେଦ ହୋଇଛି । ଯାହାକି ବେଶ୍ କଷ୍ଟଦାୟକ ଥିଲା । ସେଥିପାଇଁ ସେ ଦୀର୍ଘ ବର୍ଷ ଧରି ଦ୍ୱିତୀୟ ବିବାହ କରି ନଥିଲେ । ଏବେ ପରିବାରର ଅନ୍ୟ ସଦସ୍ୟଙ୍କୁ ହରାଇବା ପରେ ସେ ଏକୁଟିଆ ହୋଇ ଯାଇଛନ୍ତି । ଏବେ ସେ ଘରୁ ବସଷ୍ଟାଣ୍ଡକୁ ଏକୁଟିଆ ଯିବାକୁ ଡରୁଛନ୍ତି । ସେଥିପାଇଁ ସେ ଜଣେ ଜୀବନ ସାଥୀ ଖୋଜୁଥିବା ଲେଖିଥିଲେ ।