ମଦ ପାଇଁ ଆଇସୋଲେସନରୁ ପଳାଇଥିଲେ, ଲାଗିଲା ୪ଲକ୍ଷ ଟଙ୍କାର ଫାଇନ୍
ଲଣ୍ଡନ: ମଦୁଆଙ୍କ ମଦା ନିଶା । ମଦ ପାଇଁ ମଦୁଆଙ୍କ ଅନେକ କାରନାମା ବିଷୟରେ ତ ଆପଣମାନେ ଅଳ୍ପବହୁତେ ଜାଣିଥିବେ କିନ୍ତୁ ଏମିତି ବି ମଦୁଆ ଅଛନ୍ତି ଯେଉଁମାନଙ୍କୁ ପରିସ୍ଥିତି ଯାହା ହେଉନା କାହିଁକି ମଦ ହିଁ ଦରକାର । ବ୍ରିଟେନରୁ ଏମିତି ଏକ ଘଟଣା ସାମ୍ନାକୁ ଆସିଛି । ଯେଉଁଠି ଆଇସୋଲେସନରେ ଥିବା ଏକ କରୋନା ଆକ୍ରାନ୍ତ ମଦ ପାଇଁ ଆଇସୋଲେସନରୁ ବାହାରି ହାଜର ହୋଇଯାଇଥିଲେ ମଦ ଦୋକାନରେ ।
କ୍ରେବି ଜ୍ୟାକ ନାମକ ଏହି ବ୍ୟକ୍ତିଙ୍କଠାରେ କରୋନାର କିଛି ଲକ୍ଷଣ ଥିବା କାରଣରୁ ତାଙ୍କୁ ୨ସପ୍ତାହ ଆଇସୋଲେସନରେ ରହିବାକୁ ନିର୍ଦ୍ଦେଶ ଦିଆଯାଇଥିଲା । କିନ୍ତୁ ପୋଲିସ ତାଙ୍କୁ ଆଇସେଲେସନ ବାହାରୁ ଧରିବା ପରେ କ୍ରେବିଙ୍କ ଉପରେ ୪ଲକ୍ଷ ୧୭ହଜାର ଟଙ୍କାର ଜରିମାନା ଲଗାଇଛି ।
ଆଇସୋଲେସନରୁ ଫେରାର ହେବା ପରେ ଯେତେବେଳେ ପୋଲିସ ଘଟଣାର ତଦନ୍ତ କଲା ସେତେବେଳେ କ୍ରେବିଙ୍କ କାରକୁ ଏକ ମଦ ଦୋକାନର ବାହାରେ ଦେଖିବାକୁ ମିଳିଥିଲା । ଏବଂ ସେ ପ୍ରାୟ ଘଣ୍ଟାଏ ହେବ ସେହି ମଦ ଦୋକାନରେ ହିଁ ଥିଲା । ଘଟଣା ସମ୍ପର୍କରେ ଯେତେବେଳେ କ୍ରେବିଙ୍କୁ ପଚରାଗଲା ସେ ଘଟଣାକୁ ସ୍ୱୀକାର କିରିଥିଲେ ଏବଂ ଅଦାଲତ ତାଙ୍କୁ ୪ଲକ୍ଷ ୧୭ହଜାର ଜରିମାନା କରିଥିଲେ ।
