୩୪ ସେକେଣ୍ଡରେ ବଦଳିଗଲା ସବୁକିଛି: ୮ଟି ଫଟୋ ଦେଖିଲେ ଆଖିରୁ ଲୁହ ଝରିଯାଉଛି
1 min read
ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲାରେ ପ୍ରକୃତିର ଭୟଙ୍କର ତାଣ୍ଡବରେ ଲୋକମାନେ ତ୍ରାହି ତ୍ରାହି ଡାକୁଛନ୍ତି । ବାଦଲ ଫାଟିବା କାରଣରୁ ମାତ୍ର ୩୪ ସେକେଣ୍ଡରେ ସତେ ଯେମିତି ସ୍ବର୍ଗ ନର୍କରେ ପରିଣତ ହୋଇଯାଇଛି ।
ଏହି ପ୍ରାକୃତିକ ବିପର୍ଯ୍ୟୟରେ ଗାଁ, ଘର, ଦୋକାନ ଓ ହୋଟେଲ ସବୁ ମାଟିରେ ମିଶି ଯାଇଛି ।
ଏହି ଦୁର୍ଘଟଣାରେ ଅତି କମରେ ୪ ଜଣଙ୍କ ମୃତ୍ୟୁ ଘଟିବା ସହ ୧୨ରୁ ଅଧିକ ଲୋକ ନିଖୋଜ ଥିବା କୁହାଯାଉଛି । ବାଦଲ ଫାଟିବା କାରଣରୁ ଅଚାନକ ବନ୍ୟା ଓ ମାଟିର ସ୍ଲାବ ଆସିଯାଇଥିଲା ।
ଏହି ସ୍ଲାବରେ ଗାଁର ବଜାରକୁ ମାଟିରେ ବଦଳାଯାଇ ଦେଇଥିଲା । କିଛି ବିଲଡିଂ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିଲା । ୨୦-୨୫ଟି ହୋଟେଲ ଓ ହୋମଷ୍ଟେ ବହି ଯାଇଥିଲା ।
ଦୁର୍ଘଟଣା ସୂଚନା ପାଇବା କ୍ଷଣି ଉତ୍ତରାଖଣ୍ଡ ପୋଲିସ, ଏସଡିଆରଏଫ, ଏନଡିଆରଏଫ ଓ ଭାରତୀୟ ସେନାର ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।
ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ଓ ସ୍ଥିତି ଉପରେ ନଜର ରଖିଥିବା କହିଛନ୍ତି ।
କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ମଧ୍ୟ ମୁଖ୍ୟମନ୍ତ୍ରୀ ଧାମୀଙ୍କ ସହ ଆଲୋଚନା କରିଛନ୍ତି ଓ କେନ୍ଦ୍ର ସରକାରଙ୍କ ତରଫରୁ ଯଥାସମ୍ଭବ ସହାୟତା ପ୍ରଦାନ କରାଯିବ ବୋଲି ଆଶ୍ବାସନା ଦେଇଛନ୍ତି ।
ବିଶେଷ କରି ପାହାଡ଼ିଆ ଅଞ୍ଚଳରେ ପ୍ରବଳ ବର୍ଷା ଓ ଭୂସ୍ଖଳନ ବିପଦ ସୃଷ୍ଟି କରିଛି । ନଦୀ, ନାଳ ଠାରୁ ଦୂରେଇ ରହିବାକୁ ଲୋକଙ୍କୁ ଅପିଲ କରାଯାଇଛି ।
ସୁରକ୍ଷିତ ସ୍ଥାନକୁ ଚାଲିଯିବାକୁ ପ୍ରଶାସନ ପକ୍ଷରୁ ଲୋକଙ୍କୁ ଅପିଲ କରାଯାଇଛି । ନିଖୋଜ ଲୋକଙ୍କ ସନ୍ଧାନ କାର୍ଯ୍ୟରେ ଉଦ୍ଧାରକାରୀ ଟିମ୍ ଲାଗି ପଡ଼ିଛି । ପ୍ରଭାବିତ ପରିବାରଙ୍କୁ ସହାୟତା ପାଇଁ ପ୍ରୟାସ କରାଯାଉଛି ।