ଏଜି ଛକରେ ୩୦ ମାସର ଦରମା ପାଇଁ ଧାରଣାରେ ବସିଲେ ଶିକ୍ଷୟତ୍ରୀ,ଦେଲେ ଆତ୍ମହୂତି ଧମକ

ଅନୁଗୁଳ: ଅନୁଗୁଳ ଶିକ୍ଷୟତ୍ରୀଙ୍କ ରାଜଧାନୀର ରାଜରାସ୍ତାରେ ଧାରଣା । ମୁଁ ଭଲ କାମ କରିବା ସତ୍ତ୍ୱେ ମୋତେ ଷଡ଼ଯନ୍ତ୍ର କରି ବାହାର କରିଦିଆଯାଇଛି ବୋଲି କହୁଛନ୍ତି ଶିକ୍ଷୟତ୍ରୀ ଜଣକ । ୩୦ ମାସ ଧରି ଦରମା ନପାଇବା ଓ ପରେ ସସପେଣ୍ଡ ହେବାକୁ ନେଇ ଏଜି ଛକରେ ଧାରଣା ରେ ବସିଛନ୍ତି ମହିଳା । ଅନୁଗୁଳ ମୁନିସିପାଲଟି ପ୍ରାଇମେରୀ ସ୍କୁଲରେ କାର୍ଯ୍ୟ କରୁଥିବା ଅନୁପମା ବିଶ୍ୱାଳ ଆଜି ଏଜି ଛକରେ ରାସ୍ତା ଉପରେ ଧାରଣାରେ ବସିବା ସହ ଦାବି ପୂରଣ ନହେଲେ ଆତ୍ମହୂତି ଦେବେ ବୋଲି କହିଛନ୍ତି ।

୩୩ ବର୍ଷ ଚାକିରୀ ମଧ୍ୟରେ ତାଙ୍କୁ ୨୦ ଥର ବଦଳି କରାଯାଇଛି । ୩ ବର୍ଷ ତଳେ ତାଙ୍କୁ ସସପେଣ୍ଡ କରାଯାଇଥିଲା । ବାରମ୍ବାର ଏ ନେଇ ଅଭିଯୋଗ ଜଣାଇଥିଲେ ମଧ୍ୟ ପ୍ରଶାସନିକ ସ୍ଥରରେ ତାଙ୍କୁ ଅସହଯୋଗ କରାଯାଉଥିବା ସେ କହିଛନ୍ତି । ଶେଷରେ ମହିଳା ପୋଲିସଙ୍କ ସହାୟତାରେ ତାଙ୍କୁ କ୍ୟାପିଟାଲ ଥାନାକୁ ନିଆଯାଇଛି ।