କାଠମାଣ୍ଡୁ: ନେପାଳରେ ଘନେଇଲାଣି ରାଜନୈତିକ ସଂକଟ। ପ୍ରଧାନମନ୍ତ୍ରୀ କେପି ଶର୍ମା ଓଲି ଆଜି ସକାଳୁ ଏକ ମିଟିଂ ପରେ ସଂସଦକୁ ଭଂଗ କରିବାକୁ ସୁପାରିଶ କରିଛନ୍ତି। ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରୀଙ୍କୁ ମନ୍ତ୍ରୀମଣ୍ଡଳ ପକ୍ଷରୁ ଏନେଇ ସୁପାରିଶ କରାଯାଇଛି।
ସବୁଠାରୁ ବଡଡ଼ କଥା ହେଉଛି ନେପାଳର ସମ୍ବିଧାନରେ ସଂସଦ ଭଂଙ୍ଗକରିବାକୁ କୌଣସି ପ୍ରାବଧାନ ନାହିଁ। ଏହାସତ୍ତ୍ୱେ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କ ସୁପାରିଶ ଦେବା ପ୍ରସଙ୍କ ନେଇ ବିରୋଧୀଙ୍କ ମହଲରେ ତିବ୍ର ଅସନ୍ତୋଷ ପ୍ରକାଶ ପାଇଛି। ରାଷ୍ଟ୍ରପତି ମଧ୍ୟ ପ୍ରଧାନମନ୍ତ୍ରୀଙ୍କ ସହ କୌଣସି ଆଲୋଚନା କରିନାହାନ୍ତି।
ସମ୍ବିଧାନିକ ପରିଷଦ ଅଧିନିୟମ ପରିବର୍ତ୍ତନକୁ ନେଇ ଏକ ଅଧ୍ୟାଦେଶକୁ ପ୍ରତ୍ୟାହାର କରିବାକୁ ସରକାରଙ୍କ ଉପରେ ପ୍ରବଳ ଚାପ ରହିଥିଲା। ଏଥିରୁ ବର୍ତ୍ତିବାକୁ ଚଳିତ ଅଧିବେଶନକୁ ଭାଙ୍ଗିବା ପାଇଁ ଷଡଯନ୍ତ୍ର କରାଯାଉଛି ବୋଲି ବିରୋଧୀ ଅଭିଯୋଗ କରିଛନ୍ତି। ଆଜି ସକାଳ ୧୦ଟା ବେଳେ ଆପତକାଳିନ ସ୍ଥିତିରେ କ୍ୟାବିନେଟ ବୈଠକ ଡକାଯାଇଥିଲା। ଏଥିରେ ସଂସଦର ଚଳିତ ଅଧିବେଶନ ଭାଙ୍ଗିବା ପାଇଁ ସୁପାରିଶ କରିବାକୁ ଆଲୋଚନା ହୋଇଥିଲା। ତେବେ ଏଭଳି ଅସମ୍ବିଧାନିକ ନିଷ୍ପତ୍ତି ପାଇଁ ପ୍ରଧାନମନ୍ତ୍ରୀଙ୍କୁ ନିଜ ଦଳ ଭିତରୁ ହିଁ ବିରୋଧର ସାମ୍ନା କରିବାକୁ ପଡ଼ିଛି।
