Budget 2021: କ’ଣ ହେଲା ଶସ୍ତା ଓ କ’ଣ ମହଙ୍ଗା, ଜାଣନ୍ତୁ…
1 min read![](https://www.nandighoshatv.com/wp-content/uploads/2020/07/Mobile-epidemic-among-young-smartphone-users.jpg)
ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ଦିନ ସଂସଦରେ ସାଧାରଣ ବଜେଟ୍ ଉପସ୍ଥାପନ କରିଛନ୍ତି । ଏହି ବଜେଟରେ ସେ ବିଭିନ୍ନ କ୍ଷେତ୍ରକୁ ସାମିଲ କରିଛନ୍ତି।
ବଜେଟରେ ଅର୍ଥ ମନ୍ତ୍ରୀ ସୁନା ଓ ରୂପା ଉପରେ କଷ୍ଟମ୍ ଡ୍ୟୁଟି ହ୍ରାସ କରିବାକୁ ସଙ୍କେତ ଦେଇଛନ୍ତି, ଯାହା ଫଳରେ ଏହି ସାମଗ୍ରୀ ଗୁଡିକର ମୂଲ୍ୟ ହ୍ରାସ ପାଇବ । ଅନ୍ୟପକ୍ଷରେ ମୋବାଇଲର କିଛି ପାର୍ଟ୍ସ ଉପରେ ସୀମା ଶୁଲ୍କ ବୃଦ୍ଧି ପାଇଛି। ସାଧାରଣ ବଜେଟରୁ ମୋବାଇଲ୍ ଫୋନ୍ ଏବଂ ଚାର୍ଜର, ଅଟୋ ପାର୍ଟସ୍ ଏବଂ ସିଲ୍କ ଉତ୍ପାଦର ମୂଲ୍ୟ ବୃଦ୍ଧି ହୋଇଥିବା ବେଳେ ସୁନା, ରୂପା, ଇସ୍ପାତ, ଲୁହା, ନାଇଲନ୍ କପଡା ଆଦିର ମୂଲ୍ୟ ହ୍ରାସ ପାଇଛି।
ମୋବାଇଲ୍ ବ୍ୟତୀତ କୃଷି କ୍ଷେତ୍ରରେ ପ୍ରୋତ୍ସାହନ କରିବାକୁ ଯାଇ କର୍ଟନ୍ ଉପରେ ଶୂନରୁ ୧୦ ପ୍ରତିଶତ ଏବଂ ସିଲ୍କ ଉତ୍ପାଦ ଉପରେ ୧୦ରୁ ୧୫ ପ୍ରତିଶତକୁ ବୃଦ୍ଧି କରିବାକୁ ଘୋଷଣା କରାଯାଇଛି। ସେହିପରି କେତେକ ଅଟୋ ପାର୍ଟ୍ସ୍ ଉପରେ କଷ୍ଟମ୍ ଡ୍ୟୁଟିକୁ ବଢାଇ ୧୫ ପ୍ରତିଶତ କରାଯାଇଛି | କଷ୍ଟମ୍ ଡ୍ୟୁଟି ବୃଦ୍ଧି ଯୋଗୁଁ କେତେକ ଉତ୍ପାଦ ମହଙ୍ଗା ହେବ ବୋଲି ସୂଚନା ମିଳିଛି । ହେଲେ ଏହା ଫଳରେ ଦେଶରେ ମାନୁଫାକଚରିଂ ଏବଂ ଏମ୍ଏସ୍ଏମ୍ଇକୁ ଲାଭ ମିଳିବାକୁ ଥିବା ବେଳେ ଆତ୍ମନିର୍ଭରଶୀଳ ଭାରତର ‘ଲୋକାଲ୍ ଫର୍ ଭୋକାଲ୍’ ଅଭିଯାନ ମଜଭୁତ ହେବ ।
ଜାଣନ୍ତୁ, କ’ଣ ହେଲା ମହଙ୍ଗା…
ଇଲେକ୍ଟ୍ରୋନିକ୍ ଉତ୍ପାଦ
ମୋବାଇଲ୍ ଫୋନ୍
ମୋବାଇଲ୍ ଫୋନ୍ ଚାର୍ଜର
ମୂଲ୍ୟବାନ୍ ପଥର
ଚମଡା ଜୋତା
ଅଟୋ ପାର୍ଟ୍ସ
ସିଲ୍କ ଉତ୍ପାଦ
ପେଟ୍ରୋଲ୍-ଡିଜେଲ୍
ସୋଲାର ସେଲ୍
ଜାଣନ୍ତୁ, କ’ଣ ହେଲା ଶସ୍ତା…
ସୁନା-ରୂପା
ଇସ୍ପାତ୍
ଲୁହା
ନାୟଲନ୍ ବସ୍ତ୍ର
ତମ୍ବା ଦ୍ରବ୍ୟ
ବୀମା
ବିଜୁଳି
ଷ୍ଟିଲ୍ ବାସନ