ପୁଣି ପଦାରେ ପଡ଼ିଲା ବିଜେପିରେ ଗୋଷ୍ଠୀ କନ୍ଦଳ

ବଲାଙ୍ଗୀର: ପୁଣି ପଦାରେ ପଡ଼ିଲା ବଲାଙ୍ଗୀର ବିଜେପିର ଗୋଷ୍ଠୀ କନ୍ଦଳ। ପ୍ରଧାନମନ୍ତ୍ରୀ ଆବାସ ଯୋଜନା ଦୁର୍ନୀତିର ମିଛ ଅଭିଯୋଗ ନେଇ ଆନ୍ଦୋଳନ ବେଳେ ସାମ୍ନାକୁ ଆସିଛି ଦୁଇ ଗୋଷ୍ଠୀଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ।

ବଲାଙ୍ଗୀର ଜିଲ୍ଲା ଗୁଡ଼ଭେଳା ବ୍ଲକ ଘେରାଉ ସମୟରେ ଟିଟିଲାଗଡ଼ ନିର୍ବାଚନ ମଣ୍ଡଳୀର ଦୁଇ ବିଜେପି ବିଧାୟକ ପ୍ରାର୍ଥୀଙ୍କ ବଚସା ଦେଖିବାକୁ ମିଳିଥିଲା। ବିଜେପିର ଆଶାୟୀ ବିଧାୟକ ପ୍ରାର୍ଥୀ ମହେନ୍ଦ୍ର ଠାକୁର ସମର୍ଥକଙ୍କୁ ନେଇ ବ୍ଲକ ଘେରାଉ କରୁଥିଲେ । ତେବେ ଏତିକିବେଳେ ଟିଟିଲାଗଡ଼ ନିର୍ବାଚନ ମଣ୍ଡଳୀର ଗତଥରର ବିଜେପି ପ୍ରାର୍ଥୀ ଅଶୋକ ଦୋରା ଓ ତାଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଉଭୟ ପକ୍ଷର କର୍ମୀଙ୍କ ମଧ୍ୟରେ ଠେଲାପେଲା ଲାଗିଥିଲା। ତେବେ ଘଟଣାସ୍ଥଳରେ ଅପ୍ରୀତିକର ପରିସ୍ଥିତି ଦେଖାଦେବାରୁ ବ୍ଲକ ଘେରାଉ ନକରି ଉଭୟ ପକ୍ଷ ଫେରି ଆସିଥିଲେ।