ଭୁବନେଶ୍ୱର: ଶାରଦୀୟ ଦୁର୍ଗାପୂଜା ପାଇଁ ରାଜ୍ୟର ବିଭିନ୍ନ ଶକ୍ତିପୀଠରେ ଚାଲିଛି ମାଆଙ୍କ ଷୋଡଶ ଉପଚାର ପୂଜା । ଏହି କ୍ରମରେ କଟକର ଆରାଧ୍ୟଦେବୀ ମାଆ କଟକ ଚଣ୍ଡୀଙ୍କର ଆଜି ଜୟଦୁର୍ଗା ବେଶ ଅନୁଷ୍ଠିତ ହେବ । ମାଆଙ୍କ ବେଶ ଦେଖିବା ପାଇଁ ଭକ୍ତଙ୍କ ଭିଡକୁ ନଜରରେ ରଖି ମନ୍ଦିର ପ୍ରଶାସନ ଓ ପୋଲିସ ବ୍ୟାପକ ବ୍ୟବସ୍ଥା କକରାଯାଇଛି । ମନ୍ଦିର ପରିସରରେ ବିଭିନ୍ନ କଟକଣା ଜାରି କରାଯାଇଛି । କୋଭିଡ କଟକଣାରେ ମାଆଙ୍କୁ ଦର୍ଶନ କରିବାର ବ୍ୟବସ୍ଥା ହୋଇଛି । ଅନ୍ୟପଟେ ଆସନ୍ତାକାଲିଠୁ ନବରାତ୍ରୀ ପୂଜା ଆରମ୍ଭ ହେବ ।
ପାଖେଇଲାଣି ଦଶହରା । ଜୋରସୋରରେ ଚାଲିଛି ପୂଜା ପ୍ରସ୍ତୁତି । ଆସନ୍ତାକାଲି ମୂର୍ତ୍ତିରେ ଲାଗିବ ଖଡି । କଟକଣା ସହ ପାଳନ ହେବ ଦଶହରା । ଏଥିପାଇଁ ଜାରି ହୋଇଛି ଗାଇଡଲାଇନ୍ । କରୋନା ପାଇଁ ଚଲିତବର୍ଷ ମଧ୍ୟ ଫିକା ଲାଗିବ ଦଶହରା । ଭୁବନେଶ୍ୱରରେ ୧୮ଟି ମୁଖ୍ୟ ପୂଜା ମଣ୍ଡପ ସମେତ ଚଳିତ ବର୍ଷ ମୋଟ ୧୦୦ରୁ ଅଧିକ ପୂଜା ଆୟୋଜନ ହେଉଛି । ଆୟୋଜକଙ୍କୁ ନେଇ ପ୍ରଶାସନର ବୈଠକ ଶେଷ ହୋଇଛି । ଭକ୍ତଙ୍କ ପାଇଁ ଅନଲାଇନ୍ରେ ଦର୍ଶନ ସହିତ ପ୍ରସାଦ ଯୋଗାଇବା ବ୍ୟବସ୍ଥା କରାଯାଇଛି ।
