ନୂଆଦିଲ୍ଲୀ: ଡ୍ରସ୍ ମାମଲାରେ ଏବେ ଜେଲରେ ରହିଛନ୍ତି ଶହାରୁଖ ଖାନ୍ଙ୍କ ପୁଅ ଆର୍ଯ୍ୟନ୍ ଖାନ୍। ଆଜି ବମ୍ବେ ହାଇକୋର୍ଟରେ ଆର୍ଯ୍ୟନଙ୍କୁ ମିଳିପାରେ ଜାମିନ୍ । ଏ ନେଇ ଆବେଦନ କରିଛନ୍ତି ଆର୍ଯ୍ୟନଙ୍କ ଆଇନଜୀବୀ। ତେବେ ଆର୍ଯ୍ୟନଙ୍କ ବେଲ୍ କୁ ବିରୋଧ କରିବ ଏନସିବି। ତେବେ ଏହାରି ଭିତରେ ଆର୍ଯ୍ୟନ୍ଙ୍କୁ ଆଶ୍ୱାସନା ଦେବା ପାଇଁ ଜେଲରେ ପହଞ୍ଚିଛନ୍ତି ବାପା ଶହାରୁଖ ଖାନ୍। ବାପା ଶାହାରୁଖ ଖାନ୍ ଆର୍ଥର ରୋଡ ଜେଲରେ ପହଞ୍ଚିଛନ୍ତି।
ଶାହାରୁଖ ଖାନ ଗୁରୁବାର ସକାଳେ ପୁଅ ଆର୍ଯ୍ୟନ ଖାନଙ୍କୁ ଭେଟିବା ପାଇଁ ଆର୍ଥର ରୋଡର ଜେଲରେ ପହଞ୍ଚିଥିଲେ। ଏହାପୂର୍ବରୁ ଶାହରୁଖ ଖାନ ଏବଂ ତାଙ୍କ ପତ୍ନୀ ଗୌରୀ ଖାନ ଏକ ଭିଡିଓ କଲରେ ଆର୍ଯ୍ୟନଙ୍କ ସହ କଥା ହୋଇଥିଲେ। ଏହା କୁହାଯାଉଥିଲା ଯେ ଉଭୟ ପୁଅ ପାଇଁ ଚିନ୍ତିତ ଅଛନ୍ତି ଏବଂ ଜେଲ ଅଧିକାରୀଙ୍କୁ ତାଙ୍କ ସ୍ୱାସ୍ଥ୍ୟ ବିଷୟରେ ଅବଗତ କରାଉଛନ୍ତି।
ଆର୍ଯ୍ୟନ ଖାନଙ୍କୁ ଗତ ୧୪ ଦିନ ଧରି ମୁମ୍ବାଇର ଆର୍ଥର ରୋଡ ଜେଲରେ ରଖାଯାଇଛି। ଡ୍ରଗ୍ସ ନେବା ଏବଂ ଆନ୍ତର୍ଜାତୀୟ ଡ୍ରଗ୍ କାରବାର ସହ ଜଡିତ ଥିବା ଏନସିବି ଅଭିଯୋଗ କରିଛି। ମାଜିଷ୍ଟ୍ରେଟ୍ କୋର୍ଟ ଏବଂ ସେସନ୍ କୋର୍ଟ ଦ୍ୱାରା ଆର୍ଯ୍ୟନ୍ ଖାନଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରାଯାଥିଲା।
