ଆଇଟିଡିସି ନାଁରେ ପୁରୀରେ ଠକେଇ, ଜଣଙ୍କୁ ବାନ୍ଧିଲା EOW

ଭୁବନେଶ୍ୱର: ଜାଲ କାଗଜପତ୍ର ଜରିଆରେ ପୁରୀରେ ଥିବା ଆଇଟିଡିସିର ଏକ ହୋଟେଲକୁ ବିକ୍ରି କରିବା ଷଡଯନ୍ତ୍ର କରି ୫୦ଲକ୍ଷ ଟଙ୍କା ଠକିବା ଅଭିଯୋଗରେ ଜଣଙ୍କୁ ଗିରଫ କଲା କ୍ରାଇମବ୍ରାଂଚ ଇଓଡବ୍ଲ୍ୟୁ । ଗିରଫ ଅଭିଯୁକ୍ତ ହେଲା, କଟକ ବକ୍ସିବଜାର ଅଞ୍ଚଳର ଅନିକେଶ ସାହୁ । ଅନିକେଶ ନିଜକୁ ଆଇଟିଡିସିର ଜଣେ କଂଟ୍ରାକ୍ଟର କହି ଠକିଥିଲା । ସେପଟେ ଠକେଇ ହୋଇଥିବା ଜାଣିବା ପରେ ବ୍ରେନ ଷ୍ଟୋକରେ ଶିକାର ହେଲେ ଅଭିଯୋଗ ଆଣିଥିବା ପୁରୀର ଜଣେ ବ୍ୟବସାୟୀ ।

ଠକେଇ ମାମଲାରେ ଆଉ କାହାର ଲିଙ୍କ ଅଛି ନା ନାହିଁ ଛାନଭିନ କରୁଛି ପୋଲିସ । ମହା ଠକେଇ ଫଛରେ ମାଷ୍ଟର ମାଇଣ୍ଡ ଭଣ୍ଡ ବାବା ବିଜୟାନନ୍ଦ ସ୍ବାମୀ ଓରଫ ବିଜୟନ୍ଦ ଚୌଧୁରୀ । ମୋହରା ସାଜିଥିଲା ଠକ ଠିକାଦର ଅନିକେଶ ସାହୁ । ଜାଲ କାଗଜପତ୍ର ଦେଇ ଅଣ୍ଡା ବ୍ୟାବସାୟୀଙ୍କୁ ଲଗାଇଥିଲା ୫୦ଲକ୍ଷ ଟଙ୍କାର ଚୂନ । ପୁରୀର ତପନ ମହାନ୍ତି ନାମକ ଜଣେ ବ୍ୟବସାୟୀଙ୍କ ୧୫ କୋଟି ଟଙ୍କାରେ ବିକ୍ରି କରିବାକୁ ଡିଲ କରିଥିଲେ । ଅଗ୍ରୀମ ଆକାରରେ ୫୦ଲକ୍ଷ ନେଇଥିଲେ ।

ତପନ ମହାନ୍ତି ଆଇଟିଡିସିର ଆକାଉଣ୍ଟରେ ୨୦ ଲକ୍ଷ ଟଙ୍କା ଡିପୋଜିଟ କରିଥିବା ବେଳେ ୩୦ ଲକ୍ଷ ଟଙ୍କା ଅନିକେଶଙ୍କୁ ଦେଇଥିଲେ । ଅନିକେଶଙ୍କ ହାତରେ ଟଙ୍କା ପଡିବା ପରେ ଜାଲ କାଗଜପତ୍ର ଦେଇ ଚମ୍ପଟ ମାରିଥିଲେ । ତପନଙ୍କ ପତ୍ନୀ ଏ ନେଇ ଇଓଡବ୍ଲ୍ୟୁରେ ଅଭିଯୋଗ କରିବା ପରେ ଗତ ୨୧ ତାରିଖରେ ଇଓଡବ୍ଲ୍ୟୁରେ ମାମଲା ରୁଜୁ କରି ତଦନ୍ତ କରିଥିଲା ।