ଭୁବନେଶ୍ୱର: ଅଁଳା ନବମୀରେ ବାବା ଆଖଣ୍ଡଳମଣୀଙ୍କ ପୀଠରେ ଚାଲିଛି ସ୍ବତନ୍ତ୍ର ନୀତିକାନ୍ତି। ପୀଠରେ ଆଜିଠୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ୧୪୪ ଧାରା ଲାଗୁ ହୋଇଥିବା ବେଳେ ୮ ଦିନ ଧରି ୧୯ ତାରିଖ ପର୍ଯ୍ୟନ୍ତ ଧବଳେଶ୍ୱର ପୀଠରେ କଟକଣା ବଳବତ୍ତର ରହିବ।
ପଞ୍ଚୁକ ସମେତ ବଡ଼ଓଷା କଟକଣାରେ ହେବାକୁ ଥିବା ବେଳେ ପୀଠ ବାହାରେ ଗଜଭୋଗ ବିତରଣ ପାଇଁ ନିଷ୍ପତ୍ତି ନେଇଛି ଆଠଗଡ଼ ପ୍ରଶାସନ। ତେବେ ପୂର୍ବପରି ବାବା ଧବଳେଶ୍ବରଙ୍କର ସମସ୍ତ ପ୍ରକାର ନୀତିକାନ୍ତି ଚାଲୁ ରହିବ।
ସେହିପରି ସାକ୍ଷୀଗୋପାଳ ସ୍ଥିତ ଗୋପିନାଥ ଦେବ ମନ୍ଦିରରେ ୧୪୪ ଧାରା ଜାରି କରାଯାଇଛି। ଭୋର ୪ଟାରୁ ରାତି ୧୧ଟା ପର୍ଯ୍ୟନ୍ତ କଟକଣା ବଳବତ୍ତର ରହିବ। ଶ୍ରଦ୍ଧାଳୁଙ୍କ ଭିଡ ଏବଂ କରୋନାକୁ ନଜରରେ ରଖି କଟକଣା ଜାରି କରାଯାଇଛି । ଏହାସହ ୧୫ ତାରିଖରେ ବଡ ଏକାଦଶୀ ପୂଜା ପାଇଁ ମଧ୍ୟ ୧୪୪ ଧାରା ଜାରି କରାଯାଇଛି । ନିର୍ଦ୍ଦିଷ୍ଟ ସେବାୟତଙ୍କ ଉପସ୍ଥିତିରେ ନୀତିକାନ୍ତି ପାଳିତ ହେବ । କେବଳ ସ୍ବୀକୃତିପ୍ରାପ୍ତ ବ୍ୟକ୍ତି ବିଶେଷ ମାନଙ୍କ ପ୍ରବେଶ ପାଇଁ ଅନୁମତି ମିଳିଛି । ପ୍ରତିବର୍ଷ ହଜାର ହଜାର ଶ୍ରଦ୍ଧାଳୁ ରାଧାପାଦ ଦର୍ଶନ କରିଥାଆନ୍ତି ।
